عندك بنوته آيقضي الآنوثهـ بدآخلهآآ

#1 03-09-2011, 02:41 PM

موضوعي اليوم موجه لامهااات البنات ..
للي عندها بنوته وتبغى تدلعها

راح يفيدا المووووضوع مرررره...

قبل ما نبدا لازم تفهمي حاجة مهمة عن الدلع
- الدلع ليس معناه المياعة والنوم وقلة الشغل زي ما البعض فاهمين لا
- الدلع سلوك انثوي طبيعي موجود في تركيبة كل انثى بس في ناس تنميه وفيه ناس تدفنه
- عشان تتدللين بنتك وتعلمينها الدلال من صغرها وتحافظ على انوثتها وجاذبيتها بحركات بسيطة :

- انت قدوتها في كل شئ فكوني خير مثل يحتذى
- دلعي بنوتتك في كل شئ (مظهرها-سلوكها-قناعتها عن نفسها)

أولا /مظهرها الخارجي:

اهتمامها بنفسها - شعرها - لبسها - اكسسواراتها - دولابها -فساتينها - حركاتها ,,,,

فـــي الـبـيـت

- لبسيها بجامة ناااعمه ..

مــع جـــوارب أو شـبـاشـب للـبـيـت

بـلوزة مـع تـنـورة شـيـاكـة وذوق

- علميها اول ما تصحى الصباح تفرش اسنانها وتتوضأ وتصلي
واشتري لها سجدة وشرشف خاص بها

- تبدل ملابسها وتختار هي الشئ اللي نفسها تلبسه من الدولاب بمساعدة منك (طبعا لازم تعلمينها كيف تختار وكيف تنسق ) يعني مو تروحين السوق تشترين لها خليها تشارك في الاختيار عشان تتعلم ولا تلغين شخصيتها خلي عندها ثقة بذوقها( وانا اعرف حريم ترسل بنتها مع ابوها وتختارعلى كيفها) غلط

لالالالالا افراط ولا تفريط روحي معها ووعيها باللي يصلح واللي ما يصلح من ناحية الستر او من ناحية الالوان او من ناحية القيمة
- وبعدين اختبري بعد كذا اختيارها اذا كان مناسب اعطيها حرية الاختيار بعد كذا ودائما قولي لها انا اثق بذوقك
- شاوريها في لبسك لما تلبسين وقولي لها مثلا: طلعي لي اساور لايقة على لبسي –طيب ايش رأيك لو اخذنا ذا اللون وهكذا
والتقدير يزرع الثقة
والثقة ركن اساسي للدلال(عمرك شفتي وحدة دلوعة وماعندها ثقة في نفسها؟؟؟؟)
- وصدقيني العلم في الصغر كالنقش في الحجر
- اشتري لها منتجات عناية بالبشرة خاصة

- عوديها ترطب شفايفها باستمرار خاصة في الصيف واحلى مرطب(لابيللو) اشتري لها واحد خاص بها واذا مافيه الفازلين مافيه منه للشفايف

الاكسسوارات
- خليها تلبس اكسسوارات اطفاااال(اساور - حلق-خاتم- ساعة يد ) وحطي تحت كلمة اطفال مليون خط (لاتلبسيها شئ اكبر من سنها)

شعر طفلتك :
- عوديها تعتني فيه لانه تاج الجمال، اشتري لها مشط بنوتي

ويبقى الجزء الاكبر من المهمة مسئوليتك كأم 00ابدعي في تسريح شعرها لتظهري جمال طفولتها البرئ

الترتيب والتنظيم

من اهم صفات الانوثة التي تزرعينها في طفلتك :

الترتيب والنظام

- اذا صارت تعرف الوقت اشتري لها ساعات بنوتية على ذوقها

عوديها تبقي شئ من مصروفها على جنب و جيبي لها حصاله بناااتي حلوو

-عوديها ترتب دولابها بنفسها وتنسق مع كل لبس اكسسوار وشنطة وجزمة
- اوكلي لها بعض الاعمال البسيطة في البيت عشان ما تكون اتكالية

حمام طفلتك (اكرمكم الله):

لازم يتنظف باستمرار

حطي لها شبشب طفولي حلو
وبلمسات منك يطلع احلى

حمااام مرتب خااص فيها باكسسواراته الناعمه

مناشف ذات اشكاال والوان حلوه ....

غرفة النـــوم

مكتبة طفلتك :

حطي لها مكتبة في غرفتها وحطي فيها كتب وقصص مناسبة لعمرها وحببيها في القراءة والثقافة حتى تصبح مدلعة على معرفة و ليس على فراااااغ وجهل

في الافراح والعزومات الكبيرة:

لبسيها فستان (منفوش)على قولتنا يوم كنا صغار كنا نمووووت فيها،

طبعا ستري ملابسها لتتعلم الستر من صغرها

(وتكفين لاتحطين لها ولانقطة مكيااااج) احلى شئ في الاطفال يكونون على طبيعتهم

حطي لها حناء(يازينها في يد البنوتات

وما يمنع تسريحة حلوة مناسبة للاطفال

ولاتنسين تحصنينها في الصباح والمساء بالاذكار واذا حفظت الاذكارعوديها هي تقرأها على نفسه

وقت النوم

- لااااااااااااااازم تغير وتلبس بجامة

مدرستها :

-اهتمي في لبسها ومريولها ونظافتها، خليها دوووم انيقة وشياكة

،غسلي شنطتها وجزمتها بين فترة والثانية وخلي ريحة النظافة تفوح من ملابسها

ترا بعض المعلمات حتى لو البنت شاطرة بس مبهذلة ما تعطيها وجه واللي يشوفون عناية امها فيها يعاملونها غييييير

-اسألي معلماتها عنها بين فترة والثانية واذا رحتي لمعلماتها لاتقولين / ساعدوا بنتي ترا هي مسكينة-و لا تقولين : اذا غلطت اضربوها لالالالا

بالعكس امدحيها قدامهم ،وقولي عمرنا ما مدينا يدنا عليها و اذا غلطت بشئ هذا رقمي بلغوني انا اتصرف معاها
(طبعا لاتقولين ذا الكلام قدامها عشان ما تتمرد على معلماتها)
وخليك متابعتها

قولي لها: المعلمة تمدح فيك وانا فخووورة فيك
قولي لها: لما دخلت فصلك كنتي زي الوردة

احضني بنوتتك وبوسيها على خدها بحنان الامومة

حتى لو نايمة اعطيها مشاعر حلوة

ترا بهذي الطريقة نقوي الجهاز المناعي عند اطفالنا(وهذا الكلام ما جبته من راسي كلام علمي )

متفرقات :

-علمي طفلتك الصلاة وكل ما تذهبي لتصلي نادي عليها وخليها تصلي معك وعلميها بالأجر الذي ينتظرها

-علميها الاخلاق الحلوة الحميدة: الصدق و وعيها (بعقوبة الكذاب)
-الامانة - الاخلاص - مساعدة الاخرين- الوفاء - الحشمة والستر
واحلى صفة في البنات: الحياء فعلا كما قال حبيبي رسول الله صلى الله عليه وسلم (الحياء لا يأتي الا بخير)

-احكي لها حكايات وحاولي تكون قصص هادفة بطريق غير مباشرة واسأليها : ايش استفدنا من القصة؟؟؟

-علميها الصح من الغلط ، وعلميها الذوق، والاحترام ، والايتيكيت(امووووت في الاطفال المؤدبين مو الخجولين فيه فرق)

-عوديها تسلم على يدك ويد ابوها و تدعي لكم في صلاته

-عوديها تحترم الاقارب من اخوال واعمام وجد وجدة وتبوس راسهم

-عوديها على اداب الأكل والإسئذان
–لاحظي اخطائها وصححيها بهدوء – ترا كثيير اطفال ينضربون ويتعاقبون ياااحرااام وما يدرون ايش الغلط اللي ارتكبوه ويستمرون عليه

-عوديها تعطف على اللي اصغر منها

-خليها بين فترة والثانية تتصدق على الفقراء من فلوسها عشان يرق قلبها وما تصير انانية

-اهديها بين فترة والثانية هدايا حلوة(وردة - دفتر وقلم -عطر طفولي- لعبة مناسبة)

-احترمي صديقاتها وحبيهم عشانها

- اذكري لها دائما ان البنت لازم تكون هادئة وناعمة

- حببيها في انوثتها ولا تفضلين اخوها عليها

-خليها تأخذ راحتها باللعب والرسم و شجعي مواهبها

-لما تجلس قدام المراية امدحي جمالها ولبسها وشياكتها

-احضنيها بين فترة والثانية (الطفل يحتاج الى 14 ضمة في اليوم)

-لوحي لها بيدك وهي طالعة من البيت وارسلي لها بوسة في الهواء وذكريها بأذكار الخروج

خليها لما تكبر تصير انثى بكل معنى الكلمة ناعمة وعطوفة ومشاعرها رقيقة ...

آعجبني فنقلته لكم