قصية في فقيد الأمة نايف

الله من قلبن عنا الوقت طاويه
طي الصحايف يوم تطْوى الصحايف
مات الشعور وصار همّه يقدّيه
وصارت حياته بين كاره وعايف
على الذي ياخــآآآل روحي تناديه
أخٍ خذاه الموت والموت حايف
راح وتركني عايشه في رجاويه
أجر صوت الحزن بأعلى النوايف
أصيح وأشهق واتلعثم بطاريه
وأون من جمر الضلوع الهدايف
يا ويل قلبٍ ضايعاتٍ خطاويه
بين القبر والموت قط الكلايف
ضيم الدهر والغبن والهم كاويه
ولاباح مكنونه على كل هايف
ويا ويل عينن بأزرق الدمع تبكيه
لو انعمت يا خــآآل ماهي حسايف
يفداه من باع الأوادم لعينيه
ما قال في نفسه من الناس خايف
وتفداه روحن غرّبت مع شواطيه
تطوف قبره لو صدى الموت طايف
والله يبقا لو عنا جــآآزي يرثيه
تبقا بجوفي حي والله يا نايف
لأبقا بذكره لين قلبي يخاويه
وسط المقابر لين تطْوى الصحايف

يعطيك العافيه ع طرحك

لاحرمنا جديدك المميز

ودي لك