قصيدة رثاء للشاعر / فرج حمدان السميري

قصيدة الشاعر : فرج حمدان السميري يرثي أبنه قبل وفأته
ويقول في مستهلها :

من عـــاش بالدنيا يشـوف التعابيــر === اللي يعرف أمانها من خطـــــرهـا
أول حـلاها مثل در المصاغيـــــــر === وتالي مرار يذوق لذعـة مـــررها
مرن صحو ومرات فيها معاصيـــر === مـرن ربيـع ومـر يبـدي دهـــرها
لحلت الأقدار ماشـي تباصيــــــــــر === ولخانـة الـــدنيا تــدور بكفـــرهــا
هلـت عيوني دمــع ما ياسعـه بيـــر === اكبـر مجـم البـيــر يازن بحـــرهـا
القلـب كـنـه جوة النـار والكـيـــــــر === كني بوسـط النار وأوحي حـررها
من ابني اللي طاح وعمره أصغيــر === أتقال شجـره ما أطلعـت في ثمرها
راضـي بحكم الله حسـن التدابيــــر === عسى الذنـوب اللـي عليـه غفـرها
والعمـر له ساعات مثل المساييــــر === وأيام ما هي مـعلـمـه فـي قــدرهـا
شـذيتهـــــا للـوارده والمصــاديــــر === حـي (ن) بها يفـرح وحي بكدرها
سـبحان ربي مدبر الأمر تدبيـــــــر === اللـي خلـق أشـجارها في مــدرهـا
صــلاة ربي عــد روس المسابيـــر === إعـداد ما هـلــت مــزون مطـرهـا
عـــلـى نبـي يأمـر الناس بالخيـــــر === اللي بشــرع الله والسنــه أمــرهـا

الله يعطيك الف عافيه وصح لسان الشاعر فرج بن حمدان
ورحم الله ابنه وادخله في فسيح جناته

جزاك الله خيراً يا ابوفراس على القصيدة الجميلة

وصح لسان الشاعر فرج حمدان السميري

شكراااااااا لك اخ ابو فراس على هذه القصيده
وصح لسان شاعرنا فرج حمدان
ورحم الله ابنه رحمة واسعه وادخله في فسيح جناته

صح لسااااااااااااانه

الله يرحم موتانا وموتى المسليم ويعوضك خير يبوحمدان
مشكور اخوي ابوفراس

~~ ابوفراس ~~

** صح لسانك **
~
الله يعطيك الف عافية على القصيدة الرائع و المميز
~
واصل تالقك معنا في المنتدى
~
بارك الله فيك اخي ...
~
ننتظر منك الكثير من خلال ابداعاتك المميزة
~
لك منـــــــ اجمل تحية ــــــــــي