الشاعر حسن صياح السميري

الشااااااعر:
حســــن بن صيــاح السمـــيري
أول ندرب ملعبات الـــــصريمــــه==تقول ريماً عاطـفاً يوم أحليـــه
زين المقــــفى مقعد الراس ريمــــه==تقول ربدا بادي الرجم ترعيه
مذيره من ملاحقين المحيمـــــــه==من غير صفق الملح نار اتصاليه
واليوم وقت الجمس يشرى بقيمه==تقل ظليمـاً جافــلاً من مفاليـــه
مدبــل شاصيـه شــد الـقضيمـــه==تقول ذيباً حايف النــــزل راميـه
عــرق النفـود لستند مايضيمـــه==هومنـوة المشتاق واللي يخاويه
من بعدها قلبي هجوسه أضيمــه==معـدي المرقــاب قلبه معنيـــه
وعديت في روس الهضاب المقيمه==واخيل بـراق الحيا في مناشيـه
واخيله على الحايل منازل قديمه==وادي مـرخ لعل الوبل يسقيــه
قالوا بها زلـزال تسمـع رزيمــه==حتى شثير أكبر حجاره يدربيه
يالله عسى تجي العواقب سليمه==الله يسـتـر وقتنا ويـش تاليـه
والزرع لو يخضر يصبح هشيمه==والعمر لو هو طال له وقت قافيه
كلام إبن صياح راعـي عزيمــه==رجال منصى حق والحق يعطيــه
هـذي نصيحـه للقلـوب الفهيمــه==وابو صي محمـد عسى الله يهديه
لا تخــاوي إلاربعــةٍ مستقيمـــه==وصوم رمضان وكل فرض تصليه
وأمك وأبوك لهم حقوق عظيمـه==ماترضي الله غير والدك ترضيـه
وعمك وخالك لهم وزعه وشيمه==وعوايد الرجـال يكرم بنيخيـه
ووصيك بربعك سيوفٍ حشيمه==لجـاء نهـار الضد سيفك تحنيــه
واحذر من أهل الكذب أهل النميمه==لاتجــالس النمــام ولا تخاويــــه
وصلوا على المختار بجنة نعيمه==صـلاة ربــي كل ماحـل طاريــــه
صلى الله عليه وسلم