محاورة بيني وبين شاعر

هذه محاوره شعريه بيني وبين احد الشعراء الكبار وطلب مني عدم ذكر اسمه وهذا من حقوقه الخاصه
حيث بدأت المحاوره مني بهذه الابيات

عبيد السميري


ياسلام الله سلامآ كم يساوي كم يساوي
يتعبك ويتعب الحسابه اللي يحسبونه

ليلة الليله سرى فكري وله فكرآ مخاوي
نيته يسهر مع النجم البعيد اللي ترونه


فرد الشاعر
مرحبا والزير سالم سابقآ عصر الخلاوي
له تجارب والشعر ماهر ولا يجهل فنونه

ليلة الليله سرينا مع بعيدين الهقاوي
وقدرة الله بالاوامر بين كاف وبين نونه

الشاعر : عبيد

انتبه حاسب توقع والخطاوي بالخطاوي
وش يفيدك قولة المخلوق كان الله بعونه

محترف قبلي وتلعب في وجودي لعب هاوي
والسماء للحر الاشقر ماتجونه ماتجونه

فرد الشاعر

يطرب الجمهور بالمعنى من الحرف الصفاوي
كل شاعر صخر حروفه على لحنه ولونه

لا سريت برحلة الهاجس على حرفي جلاوي
ما يعود كل حرفآ قبل تسديده ديونه


الشاعر عبيد

طيع شور اللي يقول الشور ما يسمعه غاوي
ما تقل يسمع كلام ولا تقل شافت عيونه

قبل زود العله انشد وين منزال المداوي
ومن يكابر مثل من يبني ويهدم في حصونه

وانتهت المحاوره على هذا

اخوكم : شاعر ملوك العقيده

يعطيك العافيه اخي عبيد السميري

مبدع اخوي الشاعرعبيد الصراحه مساجله جدً رائعه
الله يعطيكم العافية والاثنين مافيكم حيله

في هذا اليوم نرشحك لتكون شاعر القبيله في شعر المحاوره مع تقديري واحترامي لجميع الشعراء فلتكن انت خليفة محمد السميري

صح لسانك

محاورة رائعة جداً