ياصاحبي

بسم الله الرحمن الرحيم

السلام عليكم ورحمة الله وبركاتة

اليوم جايب لكم قصيدة جديدة


ياصاحبي ماني بشاكيلك احوالي 00000شكواي للي تملك الكون يمناه


اشكي له احوالي ويرتاح بالي 00000واردى البشر ياصاحبي ماشكيناه


وعزيز نفس وغايتي باحتمالي 00000والظرف لوهو شين ربي تولاه


ماضاع شكرآ عند رب الجلالي 00000والي زرع زرعن مع الوقت يجناه


وان كان من ضيم الليالي بدالي 00000شين بتدبير الولي ماكرهناه


هذي مقاديرن على كل حالي 00000للرب مايخذ وللرب ماعطاه


والله هو الي يرتضي بالعدالي00000 والظلم شين ودبرته مابغيناه


والي جهل بالحق عمره زوالي00000 لابد عسرات الليالي توطاه


والدين حقه ياعرب باكتمالي 00000والي قمح من درب دينه جهلناه


والدين منصورن ومن له يوالي00000 مهبلك يالي تايهن مابعد جاه


الخير بمقابل زحول الرجالي 00000حمايت البيت الشريف وزواياه


اهل العقول الرازنه والثقالي 00000كسابت الامداح مع كل مجهاه


ياطيــبهم فالـمعركه و القتالي00000 ناسن تبيع انفوسها فالملاقاه


أيــمـانـنـا بقـلـوبـنا مايــزالـي00000 دربن سلكنابه ودربن عطيناه


يرسي كما ترسي رواس الجبالي 00000ولو العرب تبغى تبيعه شريناه


حنى هل المله ولابه جدالي 00000وكنز العداله بالشريعه جذبناه


والكاس مشروبه اليامن صفالي 00000اخير من شرب الهماج وركاياه


محمد الي نال خير المنالي 00000خاض المعارك لان بالسيف صفاه


واليوم ولبيته نشد الرحالي 00000ودربن يودينا نزوره وننصاه


شرقن وغربن وبالجنوب وشمالي 00000الدين واحد والمذاهب مسماه


والدين بين الناس جاله مجالي 00000وصل الامانه بيننا ماقطعناه


والصدق مدوله احبالن اطوالي 00000والكاهن الدجال قوله عصيناه


والنفس يخلفها كثير الريالي 00000ماينفع الرجال ماله ودنياه


ماينفعه لوكان عنده حلالي 00000لو كان يملك مال قارون ماغناه


لن كان ميزانه من الخير مالي 00000هذي هي الارباح و لا بلياه


الي فرق بين الحرام وحلالي 00000ويمشي مماش الخيرمن وين ممشاه


ويرجى الولي في مقبلات الليالي 00000بينه وبين الرب جاله مناجاه


قلبه من الخبث الخبيثات خالي 00000ودرب الخبايث في طريقه تعداه


واختامها يالله رب الجلالي 00000يالخالق الي كلنا نطلب ارضاه


يارافعن سبعن على كل عالي 00000وانشاء السحاب وبالسماء ينتثر ماه