رسالة المنتدى |
|
مـنـتـدى الـشـعـر وهـمـس الـقـوافـي (كل مايتعلق بالقصائد والأبيات الشعرية - شعر نبطي - شعر شعبي - شعراء الساحه العربيه) |
|
أدوات الموضوع | انواع عرض الموضوع |
#1
|
||||||||||
|
||||||||||
خـــــــــــــوة هل الطيب
الجيب والقرناس وخوة هل الطيب *** تسوى مجالسة الحضر فالمدينه ماسبّهم واعرف انا مابهم عيب *** بس الهوى ياهل الهوى حـد لينـه عزبه وخيمه والصحاري مضاريب *** والتيس من قبل الضحى صالخينه مما راق لي ومعلقينه من كراعه على الجيب *** والبـن الاشقـر تونـا حامسينـه شبّت حطب ماهي بشبة عياسيب *** ارطـا وعرفـج يمنّـا حاطبينـه واليا سنت شب الجروم اللواهيب *** قام المقهوي قّرب المـاء بدينـه ركّب دلال مجلدات المقاظيب *** بغـداد مـن سـوق الحفـر جالبينـه بيضن تلالا يطعمن المشاريب *** تبعد عـن انفـوس العبـاد الغبينـه واليا احتمى ماهن يشيل المراكيب *** يحـط كيفـن بالنجـر طاحنينـه فنجال ونص وردهن يمه قريب *** وجاب البريج وسكـره فـي بطينـه وحطه على صفه هذيك المهاذيب *** والبن فاح وركـده فـي سكينـه وجاب الدلال الي يعرف المواجيب *** ثنتين غير الـي بهـن عاملينـه مجنون كيف ورتب الامر ترتيب *** حـط البهار وريـح هيلـه يازينـه ثم زلهن لين استوى باخر السيـب *** وحطـه بنـاره ربنـا لاتهينـه وقال اقدعوا تمر حلو توّه امجيب *** اخلاص من دار الحسا محظرينـه ثم صب فنجاله ومابه عذاريب *** والله علـى الفنجـال تسلـم يمينـه مجربن ماهـوب يحتـاج تجريـب *** اي والله انـا كلنـا مجربينـه مافيه ضيف وكل ابونا معازيب *** والشـاي خـدر والـورق حاكرينـه وعقب السوالف والقهاوي مطاليـب *** كـل يناظـر للمواتـر بعينـه نبي نهيّف فوق روس المراقيب *** وانفّرع القرنـاس لاجـل السمينـه اليا خطفها خطفتن بالمخاليب *** تبري النفـوس الضيقـات الحزينـه واليا انتهى المقناص جبنا مكاسيب *** والحر الاشقر عقبها مبرقعينـه ونمشي ونلقا يمّنا فطر شيب *** ومفرود يطرد مـن ورى امـه تنينـه وسط النفود ولانمر الشخانيب *** نخاف من ضرب الحصـى فالمكينـه ووساع صدر ونطقنا بالتراحيب *** واعقولنـا هـي العقـول الرزينـه ياليت لي دورن بغوج الاطانيب *** وانسى حضارات الخـراب وسنينـه اخير من طرد البنات الرعابيب *** واحدن تسمّع مـن عذابـه ونينـه ممشاي صح وخوتي للاشانيب *** رجل يصد اعـن المراجـل ياشينـه |
09-05-2012, 12:00 AM | #2 |
شمــاليــة بكـل فــخــــر
|
رد: خـــــــــــــوة هل الطيب
الجيب والقرناس وخوة هل الطيب == تسوى مجالسة الحضر فالمدينه مشكور أخي هبوب الشمال على هذه القصيده الرائعه ,,, |
|
09-17-2012, 05:43 PM | #3 |
(((مشرف المنتديات الترويحية )))
أبو عبدالله
|
رد: خـــــــــــــوة هل الطيب
من قال سالم اختي شمالية مشكوره على المرور
|
|
09-20-2012, 11:36 AM | #4 |
عضو نشيط
على عرش العناد تم تتويجي سحقا يا قلب اتود مذلتـــــــــــــي!
|
رد: خـــــــــــــوة هل الطيب
مشكور ويعطيك العافية ع القصيدة الجميلة
|
لست احاول الانتحار ...فقط ! فضول اشغلني؛ حين انظر للاسفل وارفع قدمي للفراغ من سيقول حينها وعينــــــــــــاه تذرف بالدموع ! ارجوك لا تفعل ف انا احتاجك...
|
09-29-2012, 08:46 AM | #5 |
((عضو متميز )))
(ـ أبــو جــاســر ـ)
|
رد: خـــــــــــــوة هل الطيب
قصيدة رائعة ... يعطيك العافية
(هبوب الشمال) |
|
09-29-2012, 03:09 PM | #6 |
(((مشرف المنتديات الترويحية )))
أبو عبدالله
|
رد: خـــــــــــــوة هل الطيب
الاسطورة
ابوجاسر يعطيكم العافية على المرور |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المنتدي قائم لخدمة أبناء القبيلة وذلك للتعارف والتواصل
وتبادل المعارف والعلوم ولا يمثل رأي مشائخها وكبارها إلا فيما يشار اليه وجميع
مايطرح في هذا المنتدى من مشاركات ومواضيع يعبر عن رأي كاتبه دون أدنى مسؤوليه
والله الموفق