حضوروغياب

هذه قصيده من السهل الممتنع الذي غالبآ لا يخدم شعر الغزل حاولت ان اخدم هذا الغرض من الشعر فيها تصلكم مع مزهريه كامله من التحيه

(( حضور وغياب ))

تاتي بعد فرقى غيــــــــــابه ليالي === فيها حضـــــوره ســــــــــد غيبة لياليه

لجل الغياب حضور له في مجالي ===والفكـــــــــر رافق دربه اللي مشـــى فيه

ابعد مدى له في خـــفوقآ موالي === واقرب خفوقي صــــــــوتي اللي ينــــاديه

جيته وهو في جــــــيته ما عنالي === من زود مابه صــــــــرت كلي مخـــاويه

رميت عن فكرآ لبسته عقــــالي === واصبحت له كل المســـــــــــافه واراضييه

له جو تلعبه جنـــــــــــوبه شمالي === له غــــيمتآ في مــــزونها ما تـــــــــرويه

ناديت ياااا افكـــارآ عنت له تعالي === قالت لي الافكـــــــار صــــــعبه تخـــــليه

قلت انتي اصلآ خابره راس مالي === ان كان رحتي وش بقى مــا خـــذيتيـــه

رديت وتردد وطال الجـــــــــــدالي === واقول ليه ؟ وليه !؟وتقـــول هي ليه ؟

اخوكم : عبيد السميري
شاعر ملوك العقيده
‏‏