رسالة المنتدى |
|
((((منــــتدى خاص بشـــــعراء القبيــــــــلة )))) (كل مايختص بقصائد القبيلة من نثر وشعر نبطي او فصيح ) |
|
أدوات الموضوع | انواع عرض الموضوع |
#1
|
|||||||||
|
|||||||||
قصيدة الشــاعر ذياب مسعد السميري فى حفل المعايدة 1435هـ
بسم الله الرحمن الرحيم
هذه القصيده اللقاها الشاعر الرائع والمتميز الشاعر ذياب مسعد السميري فى حفل المعايدة الثالث فى المدينة المنورة بعيد الفطر المبارك 1435هـ وقد نالت استحسان جميع الحضور بماتحمله من معاني ومفردات جزله ومتميزه من غير قصور بالشعراء المشاركين والذين لهم قصائد مميزه ورائعه يمكنهم طرحها فى المنتدى اذا رغبوا واليكم القصيدة : سر ياقلم بسطر القافيه = اللي جميع حروفها منقيه مثل الذهب واللؤل والمرجاني = معطره وبماء الذهب مطليه أسوقها لأهل الكرم والطيبه = اللي لهم بالطيب بصمه حيه أهل المواقف والعلوم الجزله = اللي تنومسني لايجاء طاريه سلام للحضار والغيابي = وبعد السلام أضرب لكم تحيه سلام ياربعي عصابة راسي = ياذخر أبوي وذخر والله ليه سلامن أحلى من حليب المصغر = البكره اللي توها بدريه وأحلى والذ من العسل في ذوبه = سقته لكم بالليله العذريه مأخص فيه أعم كل القبيله = فالليله اللي جوها مازيه ليلا يلم الشمل إلا ياطيبه = ياحي هذا الليل يالله حيه ليلة فرح فيها وصل ومعايد = تسوى ليال الكوره الارضيه شفت الفرح ذا الليل شرع بيته = وجميع الانفس راضيه مرضيه وكلن نشاهد فرحته بأعيانه = وأنا تعبر فرحتي ذا الجيه فالليله اللي ماقدرت اوصفها = فوق الخيال وفوق منه شويه وبعد المعايد والسلام العذري = عندي لكم ياربعنا وصيه أن كانها مني أنا مقبوله = اللي يبيها يقول هاك أيديه ولازم يركز في كلام الشاعر = ولايحرك الغتره ولا الطاقيه رجلا بليا ربع واعزيله = كتفه ضعيفه دايمن ماطيه لو هو شجيع ولاتروح إحقوقه = لابد ماتاتيه له يوميه تقلط عليه رجال تأخذ حقه = ضحى ضحى والشمس فوقه حيه لاصار ماحوله ظهر يركزبه = راحة حقوقه كلها منسيه وراع الدراهم لايغره جيبه = هذا الليال اسرارها مخفيه دنياك يالمؤمن فلا تأمنها = دايم تقلب إقتلاب الحيه يرخص رياله فى لوازم ربعه= ويقدم الحسنه على اخت السيه ويحسب لشئن ماحسب لحسابه = لاصكت إدليها على الارشيه وقت الشدايد والله إن يرخصها = أخوه وعمه بعينة أبناخيه ورجلن ليا منه ركز في لابه = مأهتم لو ثارت عليه الهيه يارد ويشرب من غزير الجمه =ولا أهتم في ذيه ولا في ذيه خابر وراه رجال تأخذ حقه = مايروح حقه لو تقفت ديه ترى التكاتف أتحاد وقوه = ضلعن متين وترتكز في فيه هذا كلام الصدق ياعرافه = ماهي حكايا سالفه وهميه والله لايجيب الزمان الاول = يومنها بالسيف والجنبيه اليوم في نعمة نعيم المولاء = بأمن وأمان وفوقها الحريه في ظل راية لاإله إلا الله =تضفي علينا السنه الشرعيه ومن بعدها في ظل أبو متعب = مليكنا اللي كله إنسانيه وختامها بالعيد بشارككم = قصيدتي مني لكم عيديه الشاعر / ذياب مسعد سالم السميري
آخر تعديل المستكشف يوم
08-10-2014 في 10:49 PM.
|
08-12-2014, 09:47 PM | #2 |
عضو مبدع
|
رد: قصيدة الشــاعر ذياب مسعد السميري فى حفل المعايدة 1435هـ
قصيده متميزه ورائعه
شكرا لشاعرنا ذياب مسعد على هذا الابداع والتالق تقبل مروري |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | |
|
|
المنتدي قائم لخدمة أبناء القبيلة وذلك للتعارف والتواصل
وتبادل المعارف والعلوم ولا يمثل رأي مشائخها وكبارها إلا فيما يشار اليه وجميع
مايطرح في هذا المنتدى من مشاركات ومواضيع يعبر عن رأي كاتبه دون أدنى مسؤوليه
والله الموفق