رسالة المنتدى |
|
مـنـتـدى الـقـصـص والـروايـات ((القصص الواقعية والتي من نسج الخيال والروايات الجميلة)) |
|
أدوات الموضوع | انواع عرض الموضوع |
#1
|
||||||||||
|
||||||||||
مأساة فتاة مبتعثة للعبره
(من الرسائل التي تصل إلى جوال الشيخ د.محمد العريفي أو بريده الإلكتروني) [وصلت إلى جوال الشيخ يوم السبت 18/6/1432هـ] الإخوة والأخوات .. هذه الرسالة جاءتني البارحة على جوالي فنشرتها مختصرة ثم أرسلتها الأخت مفصلة وقد طلبت من الأخت أن تشارك في ضع بصمتك باتصال هاتفي فاعتذرت .. وأرسلتها بالتفصيل كالتالي : شيخي العريفي أنت طلبت إني أرسلك قصتي بالتفصيل في ايميلك لكن.. يا شيخ العريفي آسفه ما أقدر بالايميل لانه ضوء الشاشه يضرني.. لكن أنا أبكتب لك الرساله مرة ثانية وأعطيك تفصيل ما كان يحصل لي بعد.. يا شيخ أنا البارحة تابعت برنامجك (ضع بصمتك في الأمراض الجنسية) أولا.. يا شيخ جزاك الله خير على طرحك لموضوع الامراض الجنسيه والأهم إنك ما جرحت مشاعرنا بصور مخيفة والأهم أنك كنت رفيقا رحيما بمرضى الإيدز.. ما أطول عليك.. قصتي ياشيخ تجمع بين الحلقين مخدرات وأمراض جنسيه.. يا شيخ.. أنا عمري الآن 21 سنه بنت ناس وأبوي إمام مسجد.. لما تخرجت من الثانوي وعمري 17سنة سافرت مع أخوي اللي أكبر مني بسنة مبتعثين ندرس في دولة أجنبيه.. أول سنه من الدراسه كانت الأمور فيها طبيعيه نروح الجامعه ندرس بعدها نرجع السكن ونذاكر مع بعض لكن بعد هاذي السنه أخوي تعرف على شله فاسده.. أول شي علموه على الخمر بعدها سجاير حشيش بعدها حبوب.. أنا هددته إني أبلغ الوالد.. ترجاني إني ما علمه ووعدني إنه يبطل هالخرابيط.. لكنه استمر.. وفي يوم حط لي حبه في وسط العصير.. كنت كل يوم أبكي وأطلب منه يحضر لي من هذا العصير وكنت أدعي في نفسي إنه ما يكون العصير هذا مخدر.. وبعدها رحت في نفس الطريق وصرت زيه أتعاطى وأهملنا دراستنا وصرنا مثل البهايم خمر ومخدرات ونوم.. تنقلنا من حبوب وسجاير حشيش وشراب للابر وكانت غاليه ما كنا نعرف المروج كان يجيبها لنا واحد كويتي يدرس معانا بالجامعه.. ما أبغا أطول عليك ياشيخ.. زادت مصاريفنا جدا وصرنا كل شوي نطلب من الوالد إنه يرسل لنا فلوس مع إنه أول كانت مكافأة المبتعثين تكفينا والمسكين يرسل ويظنها تروح في كتب ودروس خصوصية.. تطورنا من حبوب الى إبر وهيروين اندمرنا فعلا.. ولا أنسى أتعس يوم مر علي صرت فيه أهون وأحقر من الحيوانات وأنا اللي أبوي مربيني ع الحجاب والقرآن.. لأ أنسى يوم وأنا مع أخوي في الشقة كانت عنده إبره وحده وكنت أبغى أتعاطاها ترجيته يعطيني هالإبرة كنت ذيك اللحظة مثل المجنونة لاتستغرب يا شيخ كان همي الابره آخذها.. ويوم من الايام ما كان عندنا إلا حق إبره وحده أخوي أخذها وأنا ما عندي فكنت أشعر بمثل الجنون .. وفي يوم هذا الكويتي قال لأخوي أنا بأجي عندك في الشقه على إني أدرس معاك.. وفعلاً جاء وأعطى أخوي حق الابره أما أنا قال لي تبغين إبره ؟ وأنا أبكي وأترجاه إني تعبانه .. فوالله يا شيخ نظفت جزمته وخليتها تلمع بلساني حياتي كانت عذااااااب .. كان أخوي يقول لي : لازم نوفر حق الأكل للإبر كنا نروح المطاعم وننتظر بقايا أكل الناس اللي في الصحون ونجلس في مطبخ المطعم ونأكل الفضله حقت الناس.. وكان هذا الكويتي اللي يزودنا بالمخدرات يجيب أصحابه عندنا.. إي والله ياشيخ أخوي كذا يقول لي.. كنت أسوي اللي يبون وأخوي ما همه كان يكافأنا يعطينا 3 أو 4 إبر .. صارت تمر علينا أيام ما عندنا حق الإبره.. ونروح أنا وأخوي للمروج ونترجاه يعطينا أو نسدده بعدين.. والله يا شيخ إني أبكي وأنتفض وأنا أكتب لك.. والله كنت أفتح الشباك وأطالع في السما وأقول إلى متى يا ربي؟.. بعدين عرفت إنه الله ما يقدر غير الخير بس إحنا اللي ندمر نفسنا طبعا.. المهم في وحده طالبه سعوديه من زميلاتي شافت حالنا أنا وأخوي فاتصلت على أهلي.. أبوي مسكين كبير في السن ما يدري عن شي.. جانا أخوي الكبير المتزوج وخاف نرجع وننفضح فدخلنا في أحد دور علاج الإدمان في هذه الدوله وعالجنا ولما كانوا يعملوا تحاليل دم إكتشفوا إصابتنا بالايدز أنا وأخوي طبعا.. عطونا علاجات كثيرة بعدين رجعنا يا شيخ بس والله إتدمر مستقبلنا أنا وأخوي ورجعنا السعوديه وإنقلب حالنا 180درجه أخوي صار ملازم المسجد وحفظنا القران.. أصبحت حذره في التعامل مع إخواني وأبي.. والله ياشيخ كل ما أحط راسي على المخده زي الشريط يمر قدامي.. لكني أعرف إنه ربي غفور رحيم.. والله يا شيخ قبل أسافر الخارج كنت أقول لاخواتي أبغى أتزوج واحد مطوع زي أبوي عشان يخليني أجيب أطفال كثير وعشان أظمن ما يجيب قنوات فضائيه خربانة في بيتي.. وأبغى أجيب أولاد وبنات أدخلهم من سنه أولى إبتدائي مدارس تحفيظ قران وأخليهم يحفظوا القران كامل.. وأزوجهم بنات مطوعات.. حتى لما أختي تولد أقولها لا تسمي أولادك على أسماء أولادي مستقبلا كنت بسمي أولادي عبدالله وعبدالرحمن وكنت بسمي البنات .. وكنت .. وكنت لأنه حياتي الأطفال.. الان صرت أخاف أبوس عيال أختي وأخوي.. أخاف أعديهم بالإيدز.. الان كل أحلامي راحت.. بس أسأل الله العوض في الجنه.. سألتك الله يا شيخ تقول لكل البنات قصتي والله ما أبغى أحد يدمر مستقبله.. أنا لما كنت أشوف برامج التوعيه أقول الله يهديهم الناس ليش يبالغون؟.. يا شيخ ترى هذا اللي كتبته ولا شي من اللي صار اللي صار أعظم وأعظم وأعظم.. بس اسأل الله التوبه أدعيلي يا شيخ .يا شيخ ترى أغلب البنات والاولاد يعتبرونك إنت القدوه.. يا رب ما تشوف هالمصيبة في أحد من حبايبك أسأل الله أن يبلغك في عبدالرحمن وأخوته اسأل الله أن يررقك برهم وأنا تر أبنائك أئمة للحرمين.وجزاك الله خير..
|
06-17-2011, 11:10 PM | #2 |
(((مشرف المنتديات الترويحية )))
أبو عبدالله
|
رد: مأساة فتاة مبتعثة للعبره
حسبي الله ونعم الوكيل اسال الله ان يكفينا شر انفسنا وان يبعد عنا الحرام
وان لايواخذنا في تقصيرنا مشكوره على القصة الموثره |
|
06-18-2011, 12:40 AM | #3 |
(((مشرفة سابقة )))
وش حيلة المشتاق لواحد تحت التراب
|
رد: مأساة فتاة مبتعثة للعبره
حسبي الله ونعم الوكيل
يعطيك العافيه يالغلا على الموضوع الرائع |
|
06-18-2011, 09:32 AM | #5 |
مراقب عام
|
رد: مأساة فتاة مبتعثة للعبره
الله المستعان قصه مؤثره جداً لهذه الفتاة المبتعثه بعيد عن اهلها
وتسرد قصتها في الادمان شكراً اختي غربة مشاعر على هذه القصه المؤثره نسأل الله ان يحفظنا من الفتن ماظهر منها ومابطن وان يغفر لنا تقبلي مروري |
|
07-23-2011, 02:10 AM | #9 |
مراقب سابق
ڡیڝڵ ٳڵښمیڒی
|
رد: مأساة فتاة مبتعثة للعبره
طــــرحتي فآبدعتي في القصة المحزنه / سلمت الانامل على الابدآع
ربي يعطيكي العافيه / نتـــــطلع لجديدك تحيآتـي لكم |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المنتدي قائم لخدمة أبناء القبيلة وذلك للتعارف والتواصل
وتبادل المعارف والعلوم ولا يمثل رأي مشائخها وكبارها إلا فيما يشار اليه وجميع
مايطرح في هذا المنتدى من مشاركات ومواضيع يعبر عن رأي كاتبه دون أدنى مسؤوليه
والله الموفق