قصيدة اعجبتني عن النخوه

( تكفى ترى تكفى تهز الرجاجيل.....لولا ظروف الوقت ماقلت تكفا )
هذا البيت مشهور جدا وهو من البيوت التي تدل على النخوه
اليكم القصيدة بمحتوى البيت السابق.



اما لطمنا العيل والا ألطم العيــــــل .......... مادام شب النار مندوب الاطفا


من ذاق حر القايله يعشق الليـــــل .......... ومن شب ضوه ليلة البرد يدفـا


امسيت في جيلٍ ولاهوب ذا الجيل ......... واصبحت والا ديرتي شبه منفـا


واللي حما بيته بطيـرن ابابيـــــل ............ ماجيت ادور كل من صد واقفا


ولاجيت ابشحذ يانما دلّه وهيـــل ............ جيتك وجرح الظلم غاديه يشفا


جيتك بكلمه كنها صعقة الــويـل .............. ان قلت تكفا لاتهـاون بتكفـــا


تكفا تراها كلمةٍ تقطم الحيــــــل ............ لابالله الا تنسف الحيـل نسفــا


تكفا ترا تكفا لها هدرة السيــــل ........... في صدر حرٍ ينتف الطيب نتفـا


تكفا ترا تكفا لها تسّرج الخيـــل .......... ان كان لك في مجمع الخيل عسفا


تكفا تراني من قرومٍ مشاكيـــل ............ حماية الساقه بسيـفٍ وشلفــــــــا


تكفا وتكفا ماتسـاق لمهابيـــــل ........... تكفا تخلّي القرم لاشٍ وهطفـــــــا


تكفا ترى تكفا تهزّ الرجاجيـل ............ لولا ظروف الوقت ماقلت تكفا





ودمتم سالمين امنين

شكراً لك على النقل الجميل

يعطيك الف عافيه أخوي
بانتظار جديدك
دمت بخير