قصيده رثاء بالشيخ عودة فهاد السميري

هذه القصيده قالها الشاعر ناجي بن سليم السميري يرثي بها خاله الشيخ// عوده بن فهاد السميري (رحمة الله واسكنه فسيح جناته )

يالله ياكاشف خفيــات الاســـــــرار *** ولاغيرك احداً يعلـم الســـــر يالله

يالواحد اللي للخطيـــات غفـــــــار *** يالخالق اللي تسجد الناس لرضاه

يامخضر الريضان من بعد الامطار *** يافارج الضيقات لمـــــن طلبنـــاه

هون على قلباً من الحـزن منهـــار *** علـى فقيداً ودع اليـــــوم دنيـــــاه

والطف بعينن هلت الدمــع مـــدرار *** على رفيع القدر والعــز والجــــاه

ويالله طلبتك طلبتاً ســــر وجهـــار *** تجبر عزانا في عزيـــزاً فقدنــــاه

اليوم خالــي بـــدل الــــدار فى دار *** وأمساء بـــداراً ضيقــــاتاً زوايـــاه

يالله تحرم وجه خالـي علـــى النار *** ويالله عسى في جنة الخلد مثــواه

اصعب خبر ياناس من بين الاخبار *** ساعة وفاتـــه يوم ربـــي تـــولاه

الموت حق ولا عن الموت مدحــار *** والعمر لو طول ترى الموت يقفاه

باكر نسير بدرب مــن قبلنا ســــار *** وكلاً يبا يمشيه مــن غيـر مشهـاه

شياً مقدر للفتـى ضمـــن الاقـــــدار *** لابد له يوماً به الحـــــق ياطـــــاه

ياللي نسيت الموت قصاف الاعمار *** لاجــــــاك تلك تـلت الذيب لشــــاه

اكبر فجيعه في طويليــن الاشبــــار *** ماينسى والقلب ماضــن ينســـــاه

عودة ولد فهاد من روس الاحـــرار *** كلاً يقول النعــــم لاحل طــــريــاه

مرحوم يازبن الرفاقه مع الجــــــار *** يامكرم الضيفان من كســب يمنـاه

لاجاه ضيفــــه مايــــدور للعـــــذار *** كريم سبلا يكــــرم اللــــي تنصــاه

حسن النبا بين القبايل له اشعــــار *** وهبه من الوهاب ماهــي مرايــــاه

ومرحوم ياشيخاً على دينـه ايغـــار *** ويعادي اللي خالف الدين ممشـــاه

قضى حياته في تهجــد بالاسحـــار *** ويشهد على ماقول منبــر مصـــلاه

ياخال لك في القلب حشمه ومقـدار *** لوغبت عنـــي طيبكـــم مانسينـــاه

سجلتلك في صفحت المجد تذكـــار *** يبقى على طول الزمن دوم نقــــراه

ونرفع لك البيضاء على كل مسبار *** رايت شرف وتثبت اللــي ذكرنــــاه

ويالله طلبتك طلبتاً سـر وجهــــار *** تجبرعــــزانا فـي عزيـــزاً فقدنـــاه

وصلو على اللي جاه جبريل بالغار *** الهادي اللي بين الديـــن مخفـــــاه
تقبلوا تحياتي
الشاعر / ناجي سليم السميري