حبيب العازمي - محمد السناني مميزه

السلام عليكم ورحمة الله وبركاته

حبيب العازمي
مرحبا ترحيب وافي ويهدى للرجال
الرجال اللي غلاها يزيد حقوقها
عند من جمل وكمل ولله الكمال
العتيبي دايم كل هقوه فوقها

محمد السناني
البقى بمقدم الطيبة في كل حال
يارجالن ينشط الضيف من منطوقها
الامانه كايده ماتحملها الجبال
والقبايل نعم في غربها وشروقها

حبيب العازمي
ماعلاكم زود والوقت ميلن وعتدال
شجرة ماتشرب الما تموت عروقها
أنت رجال شمالي وخلك فالشمال
كان ماتقوى الامانه بلاش تعوقها

محمد السناني
المراجل تتعب الرجل فوق الاحتمال
من بغاها كايدات الحياه يذوقها
الشمال الله يسلمك فيها راس مال
وانت لك عامين متمرزقن في سوقها

حبيب العازمي
ان عرفت الاوله قلت مافيها جدال
وان عرفت الثانيه قلت قدمك سوقها
يامحمد كانها بالجنيه وبالريال
ربعك جهينه ترى فاتح صندوقها

محمد السناني
احسن التفكير والخط مافيه اختلال
وانت لن فوتها ماقدرت لحوقها
ربعنا تعرف طريق الحرام من الحلال
وانت ذوقك يجودي مايوافق ذوقها

حبيب العازمي
أحسبنك قد بريت ولقيتك ماتزال
سممتك الحية اللي وساع شدوقها
شحمها في ظهرها دمها وسط الطحال
الزبون يسومها والسروق يبوقها


محمد السناني
عاذنا الله ياحبيب كلامك مايقال
الحيايا دفنت سمها بحلوقها
انته المنشود عنها ويلحقك السوال
العصيمي مايسامحك كان تعوقها

حبيب العازمي
الغنايم والكرم مع كريمين السبال
والدقون الثانيه خيرها محلوقها
ماعقلها غير شايب وبعض من العيال
لين جاها شوق مبدول ماهو شوقها

محمد السناني
الشيوخ اللي تنصى المهمات الثقال
كون منصف لا يزيد الزمان حروقها
لوعقلها العود ماكان قامت بالعقال
واعتجلت وطاحت البشت من معلوقها

صح لسانك ومشكووووووووووووووووووووووووووووووووووووووووور

مشكور على المحاورة

مشكوووووور والله يعطيك الف عافيه