محمد عطية السميري

القصيدة الاولى
حطيت لي رادي بدال المساييـر
عسى اتلهى فيه وانسى همومـي
كني رهين السجن ياخاتمة خيـر
لعطي علوم ولاتجينـي علومـي
بعد الأناسـة والوجيـه المناييـر
يوم اناظرهم سـوات الحلومـي
يامن عطاه الله حكمـة وتفكيـر
أصحى لنفسك ياتقوي العزومـي
أصحى ترى الدنيا تلاهي وتغارير
دنيا تزول وخيرها مـا يدومـي
العمـر يفنـى والليالـي مقاديـر
ولابد ماتبنـى عليـك الرجومـي
أخيـر منهـا ركعتيـن بتكبيـر
عند السحـر لاهكبـن النجومـي
أطلب بها رحمة وللذنـب تكفيـر
رحمة من الرب الغفور الرحومي
اللي خلق خلقه بحكمـه وتدبيـر
خلقـه ينـام وناظـره ماينومـي
القصيدة الثانية
لابـاس ياحـر تـعـلا المواكـيـر
مواقعـه فـي عاليـات الخشـومـي
طلق الموامي ينهض الريش ويطيـر
يصفق بجنحانـه ويـدرج بحومـي
العام أخبـره بيـن عكـف المناقير
تـارد مخاليـبـه ورود السهـومـي
يصطاد جزل ولا نوى الصيد مايحير
يختـار والهـزلات عنهـا يشومـي
متجـول مابيـن ابانـات والنـيـر
واليوم قرنس عن هذيـك الحزومـي
هـذا وذا ماهـو خيـال وتصويـر
هذي حقيقة رجل عـاش امحشومـي
قضى حياتـه مـع رجـال مناعيـر
من وين ماجاهـم كبيـر امخدومـي
قريت لـه شكـوى توجـد وتحذيـر
أدعت هواجيـس الضمايـر تهومـي
قـام يتذكـر مبعديـن المشـاوير
ذكـراه بيـن أطلالهـم والرسومـي
نـاس لهـم عنـده معـزه وتقديـر
مـن بعدهـم ماكنـه إلا امحرومـي
حرمان ماهو مـن فـراق الغناديـر
المبعـدات معـطـرات الهـدومـي
ولا بعد من ضيـم ربعـه وتقصيـر
رجل عزيز ومـن رجـال قرومـي
ربعـه جهينـه والليالـي معاسـيـر
علـى المبـادي طيبيـن السلومـي
هـذا ووضعـه بينهـم دون تفسيـر
والكل يفخـر بـه نهـار اللزومـي
أبو عطيـه لـه تصـف الطوابيـر
حتـى كبيـر السـن لجلـه يقومـي
شاعر وله نهجه ولـه منطـقٍ غيـر
له فاالمعاني قسـم غيـر القسومـي
من دون عسف يصخر الشعر تصخير
وفي كل بحر مـن بحـوره يعومـي
وأيضا تذكر ويش ماصـار ويصيـر
للآدمـي حيثـه جهـول ظلـومـي
وجه بيوته فـي نصايـح وتبصيـر
مادام كل إنسـان ماهـو امعصومـي
لازم يحاسب نفسـه صغيـر وكبيـر
من قبـل لا يأتيـه يـوم امعلومـي
يوم علـى الدنيـا تهـب المعاصيـر
اما يجـي فـي بـرد والا سمومـي
أو حـزة مايفيـد فيهـا المعـاذيـر
ويلـوم نفسـه قبـل نفسـه تلومـي
صحيح ماقالـه وانـا معـه وآسيـر
واللي يبـي درب المعالـي يرومـي

مشكوووووور والله يعطيك الف عافيه

صح لسانك ورحم الله من قال هذي القصيده
والله يعطيك العافيه