محاورة بيني وبين الشاعر الكبير شاعر المعنى احمد السناني

اضيف لكم رد الشاعر الكبير (شاعر المعني) احمد السناني على قصيدتي السابقة التى وجهتها له
والتى تم طرحها بالمنتدي وهي بعنوان :

( حق ومعدال )

يا بو بدر والوقت له عدة احــــــــوال .... ســــــــلام مني واصــــــل بكل حـــاله

شرواك يحسب مال من روس الاموال .... والحــــــر من حافظ على راس ماله

اصلآ وفصل ورجل من خـــيرة رجال .... ومن يجـــــهلك قولو له عبـــــيد قاله

قولو له ان الطيب بك يضرب امثال .... ويفخر وانا افخـــر وانت مضرب مثاله

مال الزمن مدري علام الزمــن مال .... مال الزمـــــــن واقول مالي ومــــــــاله

وارسلت لك حــرفي بوقفه على آل .... بعد الصــــــــــلاه على نبيـــــــــــه وآله

الله من همآ ســــــطا واشغل البال .... حتى الفـــــرح من خاطـــــر اخوك شاله

الصبر طيب لكن الصــبر لا طال .... هتان من مــــــــــــزنآ بعيــــــــــدآ خـــياله

برقه بعيد وصــــب ديمه على جال .... ولا يـــــــرتويه الا قــــــــريب لجـــــاله

ما يمتنيه معاين الوســـــــــم حــــيال .... يجــــــوز يهلك قبــــــــل يهلك حـلاله

ويلحن همومه على كل مــــــــوال .... حتى صــــدى صــــــوته يعانق خـــــياله

ويقول فـــــعلآ وقتنا حاله احـــواله .... ويرسل على راع المعاني رســـــــــاله

فيها ســــــــلام وفيه حقآ ومعدال .... للي مبـــــهر طـــــــــــــول وقـــــته دلاله

اخوكم/ عبيد السميري
شاعر ملوك العقيده
----------------------------------------------

وهذا رد الشاعر الكبير عاشق المعنى احمد السناني ابوبدر على قصيدتي

( يابوبدر والوقت له عدة احوال )

يا مرحبا يا عبيد يا طيــــــــــب الفال .... حييت يا راع البـــيوت الجــــــــزاله

شاعر ملوك معرب الجــــــد والخال .... وقيل الولد مابين ابــــوه وخــــــواله

ابوك لهل الطيب والطــيب مدهال .... ولاهي غــــــــــريبه يارثونه عيــــــاله

وخالك كريم وللصعيبات حـــــلال .... ريف الضيوف ويمـــــدحه من عنــــاله

ياعبيد طبع الوقت حـــــلآ وترحال .... طول حبال اللي قصيـــــــــره حبــــاله

دلو الرشا تصــفق من الجال للجال .... من ينتظــــــــر منها الروى عـــزتاله

ندمح خطا جاهل بمقــــــــدار عقال .... ونعرض عن دروب الجهل والجهاله

وقال المثل ما يحجب الشمس غربال .... والنــــــور يبقى في دروب العــداله

المرجله عـــربونها طيـــــــب الافعال .... ماحاشها خبـــــــــلآ ممـــيل عقــاله

والعرف لاهل العـــرف باقي ولا زال .... لو حــاولو به مستحــــــــيلآ زواله

الله يجـــــنبنا خـبيثيــــــن الاعمـــــال .... ويضلنا يوم الحـــــــشر في ظــلاله

عاشق المعنى
احمد السناني