بيت القصيد

هذه اول قصيده كتبتها
وتناقلها الكثير من متذوقي الشعر واغلبهم لا يعرف
اسم صاحبها
واهديها للمنتدى واهله
مع اجمل تحيه وعنوانها
(بيت القصيد)

من يدق الباب يقلط وان رحــــــــــــــــل ودعته === ياهلا بك مرحبا في روحتك والجيه
قال انا (بيت القصيد) بكل حرف ابدعته === ودي اسمـــــــع نفس بيتك كان قلته ليه
قلت حاضر لك وتبشر والفكر روعـــته === قول حـــــــــــــــدد ماطلبت (بيوتك المـــعنيه)
وكان ودك كل شعـــــــــــري نار لك ولعته === من خيالي يحرقك في ناره الحــــــــــسيه
كن بان من الوجل والبيت ماضــــــــيعته === وان تذكـــــــــــرته هلا بك عود بعد شويه
عود تلقى الشعر لك عندي ولك جمعته === من بدايات الفه(أ)ليا حــــروفه اليائيه (ي)
ولو تآخر فكر لحـــــــظه عاد لا شجعته === وكان روح قلت وين تــــــــــروح عندك نيه
لو عصى لجلك فلجلك شــــــوفني طوعته === وجبت منه افكــــــــــــار له بافكار له عذريه
من سكــــــــــون السالفه بالســالفه رفعته === والشـــــــهاده (فلسفه) في فلســــــفه ذاتيه
وخضت من موج البحور بحور دون اشرعته === فـــــــوق موجــــاته وموجاته لنا تحتيه
واتبعني في الطـــــــــريق وفي الطريق اتبعته === في مســـــــافات الخيال وراحة الرجليه
له معي رحـــــــــــله وفيها ماتعب متعته === رحلته ما غادرت وان غادرت جــــــــــــويه
وقلت وش باقي من اللي لك ولا سمعته === وان طلبت اللحن شيل اللــــحن(يا مرعيه)
قال لي كلمه وحيده ما سمـــــــــعته ذعته === لجل كل الشــــــــــعر غاب ومـــــر توه فيه
راح ودعني بســـــــــرعه عاد معه امتعته === قال كنت الضيــــف واحسبني من الاهـــليه
كيف اغادر وانت في بيت القصيد اسجعته === كيف واخر طب في درب العـــــلاج الكيه
ودي اكتب صــــــــــدر المكتوب من مطبعته === لاحتباس الشـــــــعر يعلن (حانت الحريه)
در جوهر ماس ( بحروف الذهب )لمعته === لجــــــــل يروي كل نزعة خاطـــــــرآ روحيه
والاكيد ان المجال يطـــــــــــــــــول لو وسعته === واروع الافكــــــار في لوحـــاته ختاميه
القصـــــــــــــــــيد (يموت حي)وتدفنه صومعته === وفيه ناس يموت وبيوته (بغيره حيه )

اخوكم : عبيد السميري
شاعر ملوك العقيدة

صح لسانك
بإنتظار المزيد

تسلم ياشاعر عبيد السميري
قصيده جزله ومميزه
تحياتي

والاكيد ان المجال يطـــــــــــــــــول لو وسعته === واروع الافكــــــار في لوحـــاته ختاميه
القصـــــــــــــــــيد (يموت حي)وتدفنه صومعته === وفيه ناس يموت وبيوته (بغيره حيه )

صح لسانك شاعر رائع

قصيدة رائعة جدً يعطيك العافية اخوي عبيد

صح لسانك على القصيدة الرائعة

~&~ عبيد السميري ~&~

** صح لسانك **
***
الله يعطيك الف عافية على القصيدة الرائع و المميز
***
واصل تالقك معنا في المنتدى
***
بارك الله فيك اخي شاعر ملكوك العقيدة ...
***
ننتظر منك الكثير من خلال ابداعاتك المميزة
***
لك منـــــــ اجمل تحية ــــــــــي
***
~&~ الموج الهادئ ~&~

صح لسانك شاعرنا دائمآ مبدع فلك ودي واحترامي