ان عشت ياراسي كسيتك عمامه

للشيخ محمد بن سرار احد شيوخ بني منبه شهران وهي قصيدة مشهوره قالها بعد ما طعن به السن

وتحسر على شبابه وتمنى ان يعود ابنه عمر الذي مع اخواله لطلاق امه والقصيده


ان عشت ياراسي كسيتك عمامه =وان مت ياراسي فدتك العمايم
ياراس شيبك ما بدا بك مذله = والشيب تكرم به كبار اللمايم
الاجواد يكرم شيبها في مشيبها = نقالة القالة محوص الصرايم
ياما نطحنا في الصبا من قبيله=يوم الصبا والكيف للرمح رايم
وياما خذينا تونا من كسابه=بسيوفنا راحت تقسم غنايم
وياما نسفناهم على جال وادي=وياما نحونا فوق سود الشكايم
جونا ثلاثميه يبغون مسيره=جونا يبون الغرس حلو الطعايم
وقالو يسار الغرس والايمينه=امس لكم واليوم جاء فيه سايم
وقلنا لهم من دونه الموت حامي =اليوم نهدي الروح نخشى اللوايم
وثنيتها لعيون غرس بكاير=يثمر بهيبتنا غصونه نعايم
واخذت اطاردهم وانا فوق قباء=مثل الهدود اللي عن العشب صايم
تلحق ليا غارت ولا يلحق بها=شقراء ولا ضريتها للهزايم
من يوم بان الفجر ليا اعتلا الضحى =وحنا نقلط للمسير عزايم
والله عطانا منصب الحظ والظفر=يوم التقت بين القروم الولايم
يوم اسلموا للمنع واسندت عنهم=لياهم كما عشب لفح به سمايم
هذا اسير وهذاك يومه دنا به =وهذاك مكسور وهذاك شايم
هذا زمان فات ما ينفع المنا=يوم اذكر الماضي تزيد العظايم
الراس شاب وثالثه رجلي العصاه =الله يوقض قلب من كان نايم
انا ابن سرار علومي قديمه=محي عسرها طيب الليالي القدايم
وانا في رجاء عمر وعمر وراء الشفاء =عساه اليا جانا ترد اللزايم
لعل قبل الموت نسمع بشيره=بجاه من يحي العظام الرمايم
لو ان غالي حبنا في بلادنا=غنيمه تحضى الغنا والغنايم
لكن غالي حبنا في لداده=سحيمة قشراء وجات ابهايم
لولا لحاهم قلت ذولا من النساء=عيون الحبارى شافت الصقر حايم
وصلاه ربي عد ما ذعذع الهواء =على النبي واصحابه اهل الكرايم