قصائد حول عيد الأضحى المبارك

بسم الله الرحمن الرحيم
السلام عليكم ورحمة الله وبركاته
هذهـ مجموع من القصائد حول العيد اتمنى انـ تنال إعجابكم
أقول في نفسي وأنا أعايد الناس :::::متى بشوفك تكمل أفراح عيدي
أجامل وربي عليم ٍ بالإحساس ::::::: وشهو شعوري وأنت عني بعيدي
اللي خذاني لك على سهو هوجاس ::::: حسيت نفسي وسط ربعي وحيدي
لو حسوا بما بي يقولون لاباس ::::::: بدال قولة على عيدك سعيدي
لاصرت عندي وقتي أعياد وأعراس:::: حتى ولو إني وسط سجنٍ حديدي
عاشرت خلان وتخالطت بأجناس::::: محدٍ سواك أهديته القلب بيدي !!
من تحت ما طا الرجل لي هامت الراس:::: كلش هويته فيك والله شهيدي
لقيت بك ذوقي وأنا قاطع الياس:::::: ومعك بدا يحيا الأمل من جديدي..
وشاعره أخرى تقول:




كلن نهار العيد عايد حبيبه:::::: وألتم شمل القلوب المواليف
وأنا حبيبي غايب الله يجيبه:::::::ويا حسرتي كان انتهى العيد ما شيف!!



العيد يجمع الله فيه القرابه وتصفى فيه كل النفوس المعاليل
سنه الله في منزل كتابه فرح وسعاده مع تكبير وتهليل






عيدك مبارك صاحبي وين ماكنت ****** يزف لك نبض الخفوق التهاني
عيدك مبارك كثر مابي تمكنت****** كثر الغلا اللي بالضلوع المحاني
او كثر مافي فرحة العيد حزنت****** وارخيت لجيوش العذاب العناني
يوم التفت وشفت ماغايب الا انت****** ضاق الوجود وكل هم" غزاني






تختلف المشاعر بين انسان واخر ، والشاعر المبدع صنيتان المطيري يقول :
ياعيد مالك نظرة في عيوني 000نسيتني مدري زماني نساني
ماقدرت افراحك تعانق شجوني 0احزاني اكبر من كلام التهاني
حاولت اجاري فرحتك واكشفوني 0لاجيت ابضحك ماستمرت ثواني








يقول الأمير خالد الفيصل:..((تشوقت للعيد))....


ياساعة الفرحه تشوقت للعيد****عيد العيون وعيد قلب الصبابه
رد الجمال لشوفتي يا أتلع الجيد**** واسحب على حرفي لحون الربابه
حرفي بصوتك يا أجمل الصوت تغريد**** يا رمز حبي هاك رمز الكتابه
يا صبح عمري فيك للعمر تجديد**** وحبك يجدد كل يومٍ شبابه
للعيد والقمرا وحسنك مواعيد**** وليل الهوى شرّع للأحباب بابه
يا ما زعجت الصوت باسمك تراديد**** ويا ما نسيم الوجد يمك سرابه
وياما تمنيتك على باقي الغيد**** وأقول مثلك يا غلى الروح مابه
يا قطرة الغيمه على يابس البيد**** رد الحياة لخافقي يا ذهابه.







وللشاعر سعود الفدغوش...قصيده جميله...منها:


عيدك مبارك يا هوى البال وسعيد/////وكلٍ يهني صاحبه وقت الأعياد


بس الرسايل يا منى الروح ما تفيد///// ولا تغني الصوره عن الشوق لازاد


لابد تزور الدار في فرحة العيد ///// يا منيتي شمس الموده والإسعاد.







ويقول أحد التعساء في العيد...


يا عيد مالك فرحةً في عيوني**** نسيتني مدري نساني زماني
يا ليتهم يدرون من عايدوني **** إن الفرح ما له بقلبي مكاني






ويرد ناصر الضويحي....ويقول:


يقولون هذا العيد ...يا زين يوم العيد**** صغارٍ تسابق في ملامحهم الفرحه
وأنا أقول هذا العيد عيداً ما هو بسعيد****نكد صار يوم العيد مثل أمس في جرحه






مانبي نطول عليكم عشان ماتملون


الشعر ساحه عظيمه وكل له ذوقه


اللي عنده أبيات يعايدنا


وكل عام وانتم بخير

العيد فرحه وابتسامه وبهجه*** وكل بهذا العيد يســــــرح ويمرح
الله يديم الامن فى كل وجهه***ويشرح صدور اللي نحبه ويفرح

ابو مسلم السميري تسلم يمينك

طرح موفق وحضور مميز ان دل يدل على ذائقتك الجميله في الاختيار

مبدع كما كنت فواصل مشوارك للافضل

تقبل مروري وحضوري

أهلاً بك همس القلم ...
أسعدني حضورك الرااقي في متصفحي ..
فحضورك له بصمته..
لك مني كل الإحترام والتقدير..

شكراااااااااااااااااااً أخي أبو مسلم على هذه الابيات الراااااااااااائعه