مرور الاماني

هذه القصيده عباره عن صراع بين الشاعر والشعر وتوضح الابيات ما دار فيها من احداث وما انتهت له من نتائج
وهي بعنوان

(( مرور الاماني ))

كان مرت في طريقك ليت لي ولا لعلا === علها تســـــري على عنوان حظي قول ليته

هاجم الافكار فيها اللي ثبت واللي تولا === من تــــــولى ماثبت والثابت اني ما احتريته

استدليت المسافه للمسافه تســــــــــتدلا === لا بدا مشوارها بالشــــــــــرط عنواني لفيته

كان لك نيه على المشوار في صبري تحلا === فيه صبر وفيه صـــــبر ومثل صبرك ما عنيته

لجل دربي ماخضع واللي خضع له ما تعلا === والحساب من العمل ماهو على علما نويته

من بحورك في بحورك لا تغــــــــــيظ ولا تملا === في بحوري ثار لبحــورك واظنك ما نسيته

وان نسيته سجـــــــل التاريخ لك بكتاب دلا === لا تبيع كتاب دلك وانت توك ما شـــــريته

وكان بعته ما لقيته تشتريه من المحـــــــــــلا === وان شريته لو لقيته ضــاع دلك ما لقيتــــــه

الحذر ثم الحذر تجني على نفســـــــــــك تبلا === مابقى للعذر فزعه شوف كم مره نخــــيته

انت لو واعدت نفســـــــــــك في مواعيدك تزلا === ماتوصلك الدروب ولا مشتك بدرب جــيته

قلتها واعيدها واشوفها لك خير حــــــــــــــلا === روح عن دربي بعيـــــد ولا ترد اللي عطيته

لا تخاف يتوه لك عنـــــــــــــوان لو هو تاه ظلا ===اوعدك لأوصـــل العنـــــوان حتى باب بيته

اخوكم : عبيد السميري
شاعر ملوك العقيده

هاجم الافكار فيها اللي ثبت واللي تولا === من تــــــولى ماثبت والثابت اني ما احتريته

استدليت المسافه للمسافه تســــــــــتدلا === لا بدا مشوارها بالشــــــــــرط عنواني لفيته


صح لسانك قصيده رائعه
يعطيك العافية شاعرنا عبيد السميري

انت لو واعدت نفســـــــــــك في مواعيدك تزلا === ماتوصلك الدروب ولا مشتك بدرب جــيته

صح لسانك اخوي عبيد يعطيك العافية

صــــح لــســانـــك
أبيات جميلة

صح لسانك شاعرنا المميز على هذه القصيده الرائعه
ونتمنى الاستمرار في بذل المزيد في كتابة قصائدك الجميله
تحياتي لك

~&~ عبيد السميري ~&~

** صح لسانك **
***
الله يعطيك الف عافية على القصيدة الرائع و المميز
***
واصل تالقك معنا في المنتدى
***
بارك الله فيك اخي شاعر ملكوك العقيدة ...
***
ننتظر منك الكثير من خلال ابداعاتك المميزة
***
لك منـــــــ اجمل تحية ــــــــــي
***
~&~ الموج الهادئ ~&~