رسالة المنتدى |
|
((((منــــتدى خاص بشـــــعراء القبيــــــــلة )))) (كل مايختص بقصائد القبيلة من نثر وشعر نبطي او فصيح ) |
|
أدوات الموضوع | انواع عرض الموضوع |
#1
|
||||||||||||
|
||||||||||||
قصائد الشعراء فى حفل تكريم قبيلة السمره لقبيلة قحطان 1435
قصيدة الشاعر / سعد بن محمد بن مبيريك السميري
يالله يالمعــــــــــبود يا ياقضي الشـــــــــان = ياواحــــــــدً كل الخلايق ترجـــــاه وهبــــــــــــــــت من ملكك نبيك سليمــــان = وسمع كلام النمل قبــــل يتوطــــاه وأنقذت يونس من بحـــــــــــــــر فيه غرقان = يومن كلاه الحوت مير الله أنجـاه من حاد عن دينك من الخلق خســـــــــــران = خســــــر على ما قيل دينه ودنياه واللي تبع نهجك على الــــــــــــــدين ربحان = بأمــــــرك يباء يأخذ كتابه بيمناه فالليله الليلة تـــــــــــــــــــــرا شانها شان = ليله وعدها بالظمــــاير حفظنـــــــاه ننظر وعــــــــد شــــــــوفت طويلين الايمان = ونوله على الطيب وشــوفة محياه والا الــــــــــــــردي مالد يمه بالاعيـــــــــان = لا زادنا زاده ولا مـــــــاي من ماه لو حطله فله وســــــــايق وديــــــــــــــــوان = لا ناهجا صـــــوبه ولا النفس تبغاه ومن بعــــــــدها ترحـــــيب من قبل ولسان = ترحيب لاقبله ولاشيــــــــــف حلياه اعداد بــــــرق لاح في غر الامــــــــــــزان = يردم خياله وارهب الخلق مسـراه وســــــــــــــــــالت على دربه دياراً ووديان = حسبت ثمان أيام ما خــــف ممشاه ونبت الخـــــــــــــــــزاما والنفل تقل بستان = تقـــول بستانا يغـــذيه مســــــــــقاه فيه ام سالم غــــــــــــــردت بأعذب الحان = وفيه الحباري خوبتت وسط مرعــاه وراحت مناطيشه حظــــــــــــــــــرا وبدوان = وكلاً ذكــــــــــــــر ربه وقال الله الله وعاد ودفع ذوده جــــــــــلن وحيــــــــــران = وليا وصـــــــــــل دور لذوده معشــاه وصلو هل المعـــــاز وصلو هل الضــــــان = متاشـــــرينا بالحيــــــاء والله أحـــياه وتقاطنــــــــو به والفرح والســــــمر زان = هذا يعشي ذاك وهـــــــــــذاك غـــداه وهــــــــــذا هــــــــواء بالي من كايننا كان = وهذا ربيع القــــــــــــلب والي تمناه صورتها فكـــــــره وانا كنت عجـــــــــلان = ابا اطرب اللي يستمع واكسب رضاه وابثني التـــــــــــــرحيب لرجال قحطـــــــان = شيـــــــــوخا وعدها نرقبه ونتحـــراه يامــــــــــــــــــرحبا ترحيب يبداء من الان = العـــــــود الازرق ولت الكيف تـــبراه بأصل العرب ساس العرب ماضى الازمان = واهل البيارق والسيــــوف المحناه يوم الجهل وسط الجزيره له أعـــــــــــوان = وكلن ســــــند يمناه من راس شلفاه عدوهم لو يحشـــــــــد الخيل خســـــــــران = وقصــــــــيرهم يامـن وتامن رعياه ولبجاد بن قبلان قـــــــــدرا وعــــــــــرفان = شيخ الشــــيوخ اللي فـــعوله منقاه انته زبــــــون الجاه وانته كحيـــــــــــــلان = يــوم اكثر العالم عطا الجـــاه علباه نرفع لك البيضـــــــاء على راس جـــردان = وعلى جبالا بأســــــم اهلها مســماه وياشيــــــخ قدرك مرتفع فـــــــوق الامتان = عده عقالي يـــــــــــــوم عينك تحلاه وابــــــــــــوك قبلك للـــــــرياجيل مــــزبان = وياما بذل من مال في نصرت الجاه وانتم صقور المجـــــــــــد للخيل فرســــان = روس بعبيــــــــــده علم ما به مرواه قلته وانا من لابت الجـــــود جهنـــــــــــان = وانا ســــــــــــميري واجبي ما تعداه وربعي قظاعه لا غطاء الجـــــــــــو دخان = وعج الرمك والموت حضرت مناياه عدونا يــــــرخص روغات الاذهـــــــــــان = ونلحـــــــــق بدمه من يــــدور مثاراه وكل القبايل بالمـــــــــــوقيف شـــــــجعان = تبقى عــــزيزه قــــــــدرها ماهضمناه وصلــــــــــــوعلى الهادي من نسل عدنان = شفيعنا يـــــــوم الحشــــــر والمناجاه |
06-24-2014, 11:34 PM | #2 |
(((مـدير المنتدى )))
السميري
|
رد: قصائد الشعراء فى حفل تكريم قبيلة السمره لقبيلة قحطان 1435
قصيدة الشاعر الشاب /عيسى مرزوق السميري
ياهاجسي مالك عن الوضـــــع مجناب = في ليلتن شعت انجـــوم المدينه أما تعوم النيــــــــل وتجيـــــب ما طاب = ولا وداعك فوق ظــــهر السفينه الكايده ما جــــــــــابها كل كتـــــــــــاب = ولا كل من غناء يجـــيب الثمينه وانا جـــــــــــلبت الي لها كل مــــرقاب = مسكن ولا تسكن سهولن مهيبه منضومتن تصعب على روس الاشناب = ولي نهض حره عسى الله يعينه ومنـــدون ربعي لنهض اركاب وركاب = لصل لهم لوهم وراء حـــــد سينه لن الزمن فتلنا قيد الانشــــــــــــــــاب = نزبن على الي يحتمون الضــعينه ربعي لين الوقت كشــــــــــــر بالانياب = صحابة المختــــار ربعي جهينـــه تاريخهم قـــــــــــــــدام شلفاك ياذياب = وبفتح مكه علمنا خــــــــــابرينــــه مجدن ينومس صامل الراس لاشـاب = مجدن على صم الصــــــخر كاتبينه ماهـــــــــــو تبجح بالمجالس بلاكذاب = علم الصــــــــواب وكلكم عارفينه ونيابة عنهم هــــــــــلا عـــــد صباب = بن اليمين ياســـــــــايقه في يمينه قحطان يا قحطــــان ياحي الانســــاب = قبيلتن مثل الجيـــــــــــال الحصينه يامــــــــرحبا بلي يعـــزون الاصحاب = الي نخاهم مايعـــــــــــرف الغبينه الي جهل قحطان يبشـــــــر بلاتعاب = يبشر ابقعاء يـــــــــوم قف تسنينه رجالهم يقلط على المــــــوت ماهاب = كنه مقلط بين سمن وسمينـــــــه مخلاب واحـــدهم عن الفين مخلاب = وجنـــــــــــوبهم وقت الوازم متينه والشـــــيخ ابن قبلان فكاك الانشاب = كل المصاعب لانصيته هـــــــوينه ياضيق عين خيـــــــر قبلان ما غاب = عقب حـــــــرارن ورثهم حافضينه ابجاد ابن قبلان لطــــــــــــيب كساب = يبقى وفاء المعروف بيني وبيـــنه ياشيخ لو سقنى القوافي ولاطيـــــاب = تبقاء لك انفوس النشامى مدينه |
|
06-26-2014, 11:31 PM | #3 |
(((مـدير المنتدى )))
السميري
|
رد: قصائد الشعراء فى حفل تكريم قبيلة السمره لقبيلة قحطان 1435
قصيدة الشاعرالشاب / عبدالرحمن معوض السميري
ياهجسي عطني من الشــــــــــعر ما طاب = وهات البيوت النادرات الجــــزيلة يامرحبا واعداد رمشات الأهــــــــــــــداب = من الغضاه اليا جنـــــــوب السليله في شيخ قوماً للجــــــــــــــــزيلات كساب = الشـــــــــيخ ابن قبلان راع الجميلة شيخاً من اهل العرف يحسب له حـــساب = ومن الطناخه يعشق المســـــتحيله واليا نخيـــــــته بالمـــــــــــهمات ما غاب = شال الحمـــــــــــول الكايده والثفيله حطه يمينك لصبح الوضــــــــــــع غصاب = وان راده الله تعتــــــــــدل كل ميلــه مواقفه دايم قـــــــــــــــويات وصـــــــلاب = خيــــــــــره لغيره مثل وبل المخيله وبيته لمن ينصاه مفتوح الابــــــــــــواب = يجــــــــــود مع شح اليدين البخيلــة وله موقفً مشرف ومكتـــــــــوب بكتاب = يبقى على مــــــــر السنــين الطويله ولاهي غريبه من عريبين الانســــــــاب = وفعولهم بالطيــــــــــــب مــاهي قليله من روس قحطان العرب وصل الاعراب = قبيلة ياحيـــــها من قبــــــــــــــــــيلة ومنهم دغش لاعدو كبار الاشــــــــــناب = الصاحــــــــــــــــب الي مانــدور بديله صقـــــــــراً تعلى من على راس مرقاب = والمــــــرجله في ذمتي تستـــــــــويله قلته وانا من ربــــع فكاك الارقـــــــــاب = اخو سنيـــــــــــــــده مزبن الي يجــيله ومن لابة تاريخـــــــــها نال الاعجــــاب = جهيــــــنه جهيــــــــنه رجال الصمـيله رجالهم يقلط على المــــــــــوت ما هاب = ويطرب على صوت السيوف الصـقيله وختامها صلــــــــو على خــيرالاصحاب = علي نبي الخـــــــلق راع الوسيــــــــله |
|
06-26-2014, 11:38 PM | #4 |
(((مـدير المنتدى )))
السميري
|
رد: قصائد الشعراء فى حفل تكريم قبيلة السمره لقبيلة قحطان 1435
|
|
08-26-2014, 10:31 PM | #6 |
(((مـدير المنتدى )))
السميري
|
رد: قصائد الشعراء فى حفل تكريم قبيلة السمره لقبيلة قحطان 1435
قصيدة الشاعر / دخيل الله سلمان السميري
يامرحبا بأسمي وباسم اللابه = اللابه اللي للفخر طلابه جهينه وياجهلآ بجهينه = صحابه لسيد البشر واحبابه نرهي على الجزله ولا نخطيها = بالسلم سلم وللحريب حرابه نجمع خصال الطيب خصله خصله = والجود حنا اللي كتبنا كتابه وسمير ربعي فى نهار الهيه = محزم ظهر للمنتخي وعصابه بالبندق الشرفا وسيف مذهب = واللي بلابندق غزا بمشعابه يامرحبا تورد غزير الجمه = ويامرحبا مثل المطر صبابه من مدلهم المزنه المنساقه = لديار نجد يعل منها ترابه مربى المشايخ كابرآ عن كابر = شروى بجاد وحي وقتآ جابه بجاد ابن قبلان وانعم وأكرم = مثل العديم اللي على مرقابه ريف لبني عمه ومن ينصونه = من عزوته من ربعه من اصحابه وماهي غريبه جروي وقحطاني = ساس العرب لعدو النسابه عيال هود وذا الكلام المثبت = ماهو جديدآ للعرب جينابه والمصطفى يرجع على عدناني = مافيه مجدآ بعد ذا يحكابه وشاعر رسول الله واحد منكم = حسان ابن ثابت جزيل الجابه حياكم الله يابنو قحطاني = يأهل المكارم ياأسود الغابه قومآ تفاخر بالفعول الجزله = وتبذل على العلم الجزيل أسبابه يابجاد ابن قبلان يابناء عمه = يامجد لأهل المعرفه يحكابه قبلان ابوك وواصلتنا اذكاره = متعب على أصلاح العباد ركابه فقيد لأهل العرف وأهل النخوه = لكن عزانا من وراه ذيابه ولا أنساك يالمطنوخ يأبن حوفي = صقرآ تعشى من طرف مخلابه شاعر وأديب ولايشح بجاهه = تلقاه عند الحاجه الغصابه قحطان لو نكتب مجلد فيكم = أمجادكم تتعب بها الكتابه قومآ توارث للعلوم الجزله = مأحدآ يناظر كم ورث بحسابه وإلا الدراهم عند عبد الدرهم = ماتخلص المديون من طلابه ومدحي لقحطان العريبه زودي = زودآ لراع القاف لاغنابه من دون قاصر بالقبائل جمله = الشعر يزهاها وهي تزهابه والشعر مهما نجتهد مايكفي = مأقول ذا سيفي وذا مضرابه أقول لوقصرت فيما قلته = المعذره ياسامعين الجابه وختامها برجع على مبداها = يامرحبا بأسمي وبأسم اللابه حياكم الله مايلبي مسلم = برحاب بيتآ واسعات رحابه الشاعر / دخيل الله سلمان صالح السميري |
|
08-27-2014, 05:50 AM | #7 |
عضو جديد
|
رد: قصائد الشعراء فى حفل تكريم قبيلة السمره لقبيلة قحطان 1435
قصائد ممتازه وجزله
شكرا لشعراء المشاركين فى الحفل |
|
09-03-2014, 09:21 AM | #8 |
عضو مميز
|
رد: قصائد الشعراء فى حفل تكريم قبيلة السمره لقبيلة قحطان 1435
قصائد مميزه ونقل رائع من المتميز دائما. Sumiry
|
ضحكت فقالوا ألا تحتشم***** بكيت فـقـالوا ألا تـبـتـســـــم بـسـمت فقالوا يرائي بهــا*****عـبست فـقـالـوا بـدا ما كـتــم صمت فقالوا كليل اللـسـان*****نطقت فقالوا كـثـيـر الكــــلـم حلمت فقالوا صنيع الجبان*****ولو كان مقتدرا لانـتـقــــــم بسلت فقالوا لطيش بـــــه*****وما كان مجـتـرئـا لـو حــكـم يـقـولون شـذان قـلــت لا *****وإمـعـة حـيـن وافـقـتـهـــــم فأيقنت أني مهمــــــا أرد*****رضا الـنـاس لابـد من أن أذم |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المنتدي قائم لخدمة أبناء القبيلة وذلك للتعارف والتواصل
وتبادل المعارف والعلوم ولا يمثل رأي مشائخها وكبارها إلا فيما يشار اليه وجميع
مايطرح في هذا المنتدى من مشاركات ومواضيع يعبر عن رأي كاتبه دون أدنى مسؤوليه
والله الموفق