يمه أنا ودي أقول للناس

السلام عليكم ورحمة الله وبركاته

- يمّه -

يمّه أنا ودي أقول للناس
عن الشيمة عن الحسرة عن الإحساس
عن العمر اللي ملاه الياس
أنا ودي أحكّيهم… أضحكهم… أبكيهم
عن الدمعة وليل الخوف… عن القصة حروف حروف
عن جروح تسافر بي… وترقى ثم تحول بي
مثل غيري من الأجناس

وأنا عمري يقول يمه… وأنا فرحي يقول يمه

وأنا جرحي يقول يمه
أذكرهم… أفكرهم…
أسولف عن جروح وليل… أحبك يا غلاتي حيل
أذكرهم وأنا توّي صغير مرقدي صدرك
لهاثي يجمعه صدرك… ضحاكي مبعثه صدرك
وزادي منبعه صدرك… وأداري الجرح من صدرك
تربينا على كلمة… تجمعنا على كلمة
تحابينا على كلمة
غطانا كلنا بلحاف… وزاد ناكله بصحاف
وحنا مثلنا آلاف



تلمي القرش فوق القرش… نبي نشري ثياب وفرش
نبي نجبر خواطرنا… ورب الكون يسترنا
تقولي للولد منا… أبيكم للزمان رجال
أبيكم فارس وخيال





أبي لا صاح فيكم جار…يبيكم والزمن دوار
تفزّوا له صغار كبار



أبشرح بعض قصتنا… وكل الناس قصتنا
ليا أذن مطوعنا… يجي صوته بمسمعنا
تصيحي يا ولد صلوا… توضينا تصابحنا وصلينا
رفعنا للسماء كلمه… تصعدها بواكينا



وبعد نص الملا ما فاق… ألا يا كاتب الأرزاق
ألا يالله تهدينا

أعرف إن الجروح كبار… وأعرف إن الزمن دوار
وأنا أذكر وش تغدينا… وما به شيء بيدينا
أنا أذكر يوم صار العود.. على كيفه، وتباكينا
أنا باذني سواليفه… وممشانا على كيفه



أنا أذكر طفية الفانوس… وأنا أذكر لذعة الناموس
وطعم الرز والمعدوس… ولا به شرح أو قاموس



أنا أذكر ثوبي البالي… وأشوف الحال بعيالي
وأنا أذكر صيحة الفران… وأنا أذكر ونّة الجوعان
أنا أذكر كل ذا كله… ندور للخبز بله



أنا أذكر لا شكى شاكي… صفعتيني وأنا باكي
أنا أذكر دعسة خطاكي… تقولي يا ولد جنيت
تطارد يا خبل الونيت
أنا أذكر كل ذا وسأل… زمان راح واتبدل
وذاك القرص من ايدك
تعجنينه تلمينه تخبزينه وأنا فرحان… أنا أذكر صيحه الفران
تبدل كل شيء فينا… ماعاد به شيء يكفينا



_.-._.-._.-. _.-._.-._ .-._.-._. -._

دُمتَمْ بِهذآ الع ـطآء أإلمستَمـرٍ

يُسع ـدني أإلـرٍد على مـوٍأإضيعكًـم

وٍأإألتلـذذ بِمـآ قرٍأإتْ وٍشآهـدتْ

تـقبلـوٍ خ ـآلص احترامي

لآرٍوٍآح ـكُم أإلجمـيله

يعطيك الف الف عافيه

موضوع رااائع

وجهود أروع

ننتظر مزيدكم

بشوووق

رائعة بنت النور يعطيك العافية على النقل

يعيك العافية