قصيدة للشاعر مسعد صويدر السميري

هذه قصيدة للشاعر : مسعد صويدر فريج السميري


البارحة يوم المـــــخاليق غطاس ، ، ، ضليت جــــالس فالبسيطة لحالي

والقلب كنه بن في وسط محماس ، ، ، ياخذ به الهوجـــاس في كل جالي

تواردن فالقلب عشرين هــوجاس ، ، ، تواردنه من جنـــــــوب وشمالي

جلست أحسب فالمشـــاكل والأتعاس ، ، ، ولينها كثر الشـــجر والجبالي

أسبــابها ناس على ناس بلاس ، ، ، تغثرب الصــــــــــافي لو إنه زلالي

أنشــــهد إن العالم أشكال وأجناس ، ، ، أنا أخبرتني ماضيــــات الليالي

بعض العرب عرفه معزة ونوماس ، ، ، تغليه لأجل إنه من الناس غالي

ياقف بجنبك يوم الارياق يبــــاس ، ، ، وليا نخيـــــته جاك قرم الرجالي

أنشهد إنه طيب العقل والســــاس ، ، ، كلن يحبه لن جـــــــــــــاله مجالي

وبعض العرب لو حط غترة على الراس ، ، ولو فوقها يلبس جديد العقالي

تراه ما ينفعك لا صـــــــــــار هلاس ، ، ، وقت اللوازم ما يساوي ريالي

ودك لمثله تحت الأقدام ينــــــــــداس ، ، ، ينداس خشمه في قفي النعالي

لا منطق طيب ولا عنده إحســاس ، ، ، لا أحد سأل عنه ولاهو يسالي

ما يعتدل حيث إنه للأنوار طمــاس ، ، ، لعل مثــــــــله ماله أول وتالي

وصلاة ربي عد ماهب نسناس ، ، ، على الرسول المصطفى آخر مقالي