القصيدة اللغز لشاعر فـــــواز مناحي الفايدي

بديت في مرقاب ياصعب مرقاه= مرقاب عالي عن جميع المراقيب
ماكل من يبدا المراقيب يبداه=وكم من شنب دونه تصيبه عذاريب
والصيد ماطبه ولاجاته الشاه=ولاحامبه طيرً ولا داج به ذيب
رجماًيبس طلعه وعشبه ومرعاه=من حر شمسه منه مرعاه مايثيب
ولقت فالمرقاب نقشاً على صفاه=لاهو حرام ولا حلالً ولا عيب
واللي نقش فوق الصفاء ماعرفناه=ضيف ومشى واللي لقيت المعازيب
وكلاً من الي سار مزعجني ابكاه=ناساًصغار اعمارها وكلها شيب
واللي كتب ماخط خطه بيمناه=ولا خط بيساره حروف المكاتيب
واللي كتب خطه الياء جيت تمحاه=تطلع عليك الشمس ماودها تغيب
واللي على بالك تذكر وتنساه=وتشوف قدامك سيوفً محاديب
وفالرجم من غادي بعير اسمع ارغاه=ومن دون حسه خمس من شلخ النيب
ونزلت والياء العود في جنب مركاه=شايب يشوفه جاسر القلب ويهيب
قلت السلام وقال صوتك سمعناه= رد السلام ورد بألفين ترحيب
وقلت البقاء وحلفت عن باقي اقراه=واعطيته اعلومي وعساه مايخيب
وياعارف حروف القصيايد ومعناه=ان جيتني من دون شكً ولاريب
وفسرت كل اللي لشانك كتبناه=وسكرت بيبان الغرف والدواليب
العرف قدامك قصر مدت اخطاه=ويازين عرف مهندبين الهناديب
والا عساها مدت امقيط وارشاه= والدرب قدامك وقدامك الليب
ومن بعدها فواز حذرك تحداه=لاما غلى الدنيا تذوق المشاريب
وتم الكلام الي تعبنا ونقيناه=وحله على اللي يفهمه سهل واصعيب

المقطع كامل :
http://www.youtube.com/watch?feature...&v=L1Fa5BpAh8c

الشاعر حاط مبلغ 3 الاف ريال لمن يحل اللغز اللي فى القصيده

تقبلوا تحياتي

شكرا لك اخي على نقل القصيده
رائعة جداااااااا
تقبل مروري

الى الشاعر الاخ فـــــواز مناحي الفايدي صاحب لغز المرقاب الحل كما هو أتٍ اذا كانت القصيده على معناه ...
بدأ الشاعر بوصف المرقاب وهو منبر الخطيب :

بــديــت فــــي مــرقــاب يـاصـعــب مــرقــاه

مـرقــاب عـالــي عـــن جـمـيـع الـمـراقـيـب

مــاكـــل مـــــن يــبـــدا الـمـراقـيــب يـــبـــداه
وكـم مـن شنـب دونـه تصيـبـه عـذاريـب
شنب : ( رجال لهم مكانة اجتماعية ولا يستطيعون الوقوف في المنابر )

والــصــيــد مــاطــبــه ولاجـــاتـــه الـــشــــاه

ولاحـامــبــه طــيـــرً ولا داج بـــــه ذيــــــب

رجـمـاًيـبـس طـلــعــه وعـشــبــه ومــرعـــاه

مــن حــر شمـسـه مـنـه مـرعـاه مايثـيـب

في هذا البيت :

ولـقــت فالـمـرقـاب نـقـشـاً عـلــى صــفــاه
لاهــــــو حــــــرام ولا حــــــلالً ولا عـــيــــب

قصد الشاعر الوحي والحديث القدسي... ...

البيت التالي :

والـلـي نـقـش فــوق الصـفـاء ماعـرفـنـاه
ضيـف ومـشـى والـلـي لقـيـت المعـازيـب

قصد ب (والـلـي نـقـش فــوق الصـفـاء ماعـرفـنـاه ضيـف ومـشـى) الرسول صلى الله عليه وسلم أن لا نعرفه الا بسيرته

أما المعازيب معناه (الخلفاء الراشدين والصحابة والعلماء )

في هذا البيت

وكــلاً مــن الــي ســـار مزعـجـنـي ابـكــاه
نـاسـاً صـغـار اعـمــارهــا وكـلــهــا شــيـــب

أشار الى المسلمين

أما البيت التاسع :

واللـي كتـب خـطـه الـيـاء جـيـت تمـحـاه
تطـلـع علـيـك الشـمـس مـاودهــا تـغـيـب

قصد انه بعد الدخول بالاسلام تتجلى الظلمات الى النور

البيت العاشر :

والــلــي عــلـــى بــالـــك تــذكـــر وتـنــســاه

وتــشــوف قــدامـــك ســيـــوفً مـحــاديــب

معناه التفريق بين الصواب والخطأ والتخلص من الامل الخاطئ .

البيت الحادي عشر :

وفالرجـم مـن غـادي بعيـر اسمـع ارغــاه

ومن دون حسه خمس من شلخ النيب

البعير : هو الدين الاسلامي

خمس من شلخ النيب : المذاهب الاربعة السنيّه والخامس المذهب الشيعي

البيت الثاني عشر :

ونزلـت واليـاء الـعـود فــي جـنـب مـركـاه
شـايـب يشـوفـه جـاسـر القـلـب ويـهـيـب

العود : التاريخ الهجري ..

باقي القصيدة هو حشو لأبيات القصيدة...

والسلام عليكم ورحمة الله وبركاته

عبدالعزيز المسعدي

تسلم يمين ناقلها وصح لسان كاتبها

يعطيك الف عافيه اخي على ما قدمت رائع كما كنت فلا تحرمنا جديدك

تحياتي وتقديري لك اخي المبدع

اخوك / همـــس القلم

شاعر مبدع ... صح اللسانك
يعطيك العافية
أخي
( المبدع )