الله يسهلها بعد كل قاسي

المشاركة الأصلية كتبت بواسطة عبيد الله السميري

ياعلها بعد الصعاب التساهيل=يالله تسهلها بعد كل قاسي
وتزيد في صملة قلوب الرجاجيل=ياخالق المخلوق كلن سواسي
وازيد في وضع النقط والمراسيل=وابني جزيلات الجبال الرواسي
واعتب على فرز الرجال الحلاحيل=مثل البوابير ببحرها مراسي
هذا زمان القول والقال والقيل=ما هي شجاعة من كثير الحساسي
اللي يسطر لك علوم وتهاويل=وليا لزمته قال داله وناسي
واللي بجمعات الحيارى شرا الحيل=والصبح حيله والحيارى تواسي
اقول له خل العلوم المضاليل=ابن الشجاعة بالقرار الرياسي
عد السوالف دله بغالي الهيل=مصلحة بيمين رجلن حماسي
وصلاة ربي عد ورد المجازيل=على النبي الهاشمي تاج راسي

القدير/ عبيد الله السميري

حرفـ حكيم يبين بعض اصناف البشر في مجتمعنا

باسلوب راقي واحساس صادق

يعطيك الف عافيه

كن بخير