قصيدة مدح فى قبيلة مطير

قصيدة لشاعر / عبيد السميرى مدح فى قبيلة مطير

يالله انك سدد الخطوه ومنطـــــوق اللساني=== ومن سمع مدحي يقول المدح هذا في محله
عن جميع اسم القبيله عن فلان وعن فلاني===عن جميع سمــــيري اللي بعد هذا القول كله
ياســـــــــلام الله عليكم يامطير اول وثاني===يا اهل الهقوات في الحاضر وفي عصرآ توله
بالسنين اللي بها الفارس على ظهر الحصاني== من جـــــــهل بمطير تاريخ العرب وده يدله
ياصلون بعزمهم للجدي وسهــــــــــــيل اليماني== لو بعد نجم السماء فخرآ هقاويهم تصــله
شـــــــــــــــيدو بافعالهم بيتآ رفيعآ فالمباني=== من تظلل عن سمـــوم الوقت قال مطير ظله
وزادهم توحــــيد دولتنا على المعنى معاني=== من لبس حله جــــــديده والكرم والطيب حله
حكمة الراي السديد وطاعه لصوت الاذاني===الله الله ياصـــــــقور لكل مشـــــــــــرافآ مطله
قلتها صادق ولو طال العـــــــمر لابد فاني=== دون ما انقص حق من مسلم على مذهب ومله
مدحك الطيب يزيدك مانقص شانك وشاني=== مــــــدح عز ودرب عــــــز العز دربه من يمله
قالها شاعر سميري في وعدها يوم حاني===عن مشــــــــاعر كل ربعه شـــعر في بيوته وهله
ماوفاهم شعر لو جمع بحوره والمواني === ولو تحــــــــــــرر كل يوم بطيبهم صفـــحة مجله
غير ريض ياالشعر واللي قسى حرفك ولاني=== ما اعذرك سوق الفخر لمطير مني سـوق دله


وتقبلوا تحياتي

ربي يعطيك العافيه شاعرنا عبيد السميري على هذه القصيده الرااائعه والجميله
ويستاهلون قبيلة مطير هذه القصيده منك
تقبل مروري وتحياتي

صح لسانك شاعر قدير ومبدع
وتستاهل قبيلة مطير القبيلة العريقة والكريمه
ونتطلع الى جديدك القادم

صح لسانك على القصيدة الرائعة

يعطيك العافيه الشاعرعبيد على القصيدة الرائعه وتستاهل قبيلة مطير

الله يعطيك العافيه شاعرنا عبيد وصح السانك

صح لسانك ... يعطيك العافية