قصيدة

نزعل ونتكبّــر وحنا من الطيـــن **** والكل منا صــــدّ لا أقبل خويّــه

نفخر نقول إنا على الصد قاوين *** وهــــيّ علينا في الحقيقـــــة قــــويه

نشفق على الطيبة و كسب الكريمين *** وهذي بنا لاشك فعــــلة رديـــــــــه

ننسى نهايتنا وعلى وين ماشيــــن *** وننسى الزمان اللي جمعنا ســـــــويه

المشكلة ماهي بـ حاجة لــ تخمين *** ولاهي بعد ياناس صعبـــــة القضيـــه

دق الرقم كيفك هلا فيك وأهليــن *** أنــا الخـــوي اللـي مـــــزعّــل خويــــه

قلّه تغيب وصـــورتك داخل العين *** ويبقــى لـ حبك في خفـــوقي بقيـــــــــه

أخوان حنا لو يجي بيننا شيــن *** و مانفتـــــــــــرق دام المحبـــــــة نديــــه

خلك قــوي لاتحتــــكرك الشياطين *** قبل الفوات وقبل وقت المنيـــــــــــــه

كلّم خويــك بـ اطيب الهرج واللين *** وأعرف جميل الهرج يمســــح رديــه

هذي هي الدنيا من الحين لـ الحين *** لابد بين الناس تحصــــــل خطيـــــــــه

ومن لايقدّر غلطــــة أحبابه الحيــن *** يقـــــرأ حـــــروفي ويعتبرها هــديه

باكر تمر سنين وسنين وسنيـــــن *** والـــكل يرحـــل في الدروب المـــديـه

صدقني تندم وأذكر حروفنا زين *** تندم على خلك إذا غاب ضيّـــــــــــــه

دنيا غريبــــة وأكثر الناس ماشين *** وكم صــاحبٍ والله دفنته بــ يديـــــه



منقووووووووووووووووول

صح لسانك على القصيدة

دق الرقم كيفك هلا فيك وأهليــن *** أنــا الخـــوي اللـي مـــــزعّــل خويــــه

قلّه تغيب وصـــورتك داخل العين *** ويبقــى لـ حبك في خفـــوقي بقيـــــــــه

أخوان حنا لو يجي بيننا شيــن *** و مانفتـــــــــــرق دام المحبـــــــة نديــــه

خلك قــوي لاتحتــــكرك الشياطين *** قبل الفوات وقبل وقت المنيـــــــــــــه

يعطيك العافيه اخوي الهواوي

أبو حسان
هبوب الشمال
شرفني تواجدكم