{ يالمســــــــافر }

يالمسافر ترى قلبي من الشوق ذاب
وجيتك اشكي عذاب القلب يامسندي
انتظرت الجواب ولا لفانـي جـواب
والهواجيس في قلبي ذيـاب تعـدي
آآه من لوعة الفرقا ونـار الغيـاب
كل ما حاصرتني قمت من مرقـدي
في غيابك تقفل للوصل كـل بـاب
قلت: للصبر تكفا قـال: لا يابعـدي
والله انا حسبنـا للعواقـب حسـاب
قالها مادرى أني رجل مانـي ردي
قلت ياعم أنا رجال عالـي جنـاب
قال وخـر وراك احـذرك ياولـدي
قلت تكفا خفوقي من سهومك مصاب
قال ياصاحبـي مافيـه حـل بيـدي
قلت ربعي من اللي يتعبون الركـاب
روس قوما منازلهـا وزان الجـدي
قال هذا الهوى لوكنت فوق السحاب
ينحرك لاتمكن منـك نحـر الفـدي
يالمسافر ترى راسي من الهم شاب
ومدة الجود تاتي من يمين اجـودي
توي اللي دريت أن المفارق عـذاب
يوم صارت هواجيسي تجي وتغـدي
قالوا: الناس لايتعبك طرد السـراب
قلت : هذا الكلام لمن يجون بعـدي

للشاعر
ناصر عليثة المحياوي