تنظيف البشره

#1 06-27-2011, 06:47 PM

كيفية تنظيف البشره

هاذي خمس خطوات لتنظيف بشرتك , مثل اللي يسوونها المشاغل وماراح تخسرك كثير , طبعا هي مضمونه 100% لأني مجربتها , وماخذه دوره فيها
وإليكم الخطوات . .

الخطوة الأولى :
حطي على وجهك سكراب ( صنفره ) من أي شركة وأتجنب منطقة العينين بس بشرط يكون إما بالخوخ والمشمش أو النعناع
ودلكي وجهك بشكل دائري من تحت لفوق لمدة خمس دقائق وبعدين امسحيه بواسطة الإسفنج الطبيعي موجود في الصيدلية

الخطوة الثانية :
عرضي وجهك للبخار إما بالجهاز أو بقدر فيه ماء مغلي وحطي على راسك فوطه وخليه لمدة 10 دقائق

الخطوة الثالثة :
نظفي الرؤوس السوداء والدهون اللي سيحها بخار المويه بواسطة حديده مخصصه لهذه العملية بتلقينها في الصيدلية بتكون بشكل العود من جهة مثل الابره والجهة الثانية على شكل دائرة , طبعا أنتي راح تنظفين وجهك باللي على شكل دائرة وطريقتها : تضغطين على الدائرة في مكان الرأس الأسود أو الدهون اللي مكتمه لون بشرتك وراح يطلع لك الوسخ بسهوله , وأكثر الأماكن اللي تتواجد فيها هي منطقة الأنف والجوانب المحيطة به وأسفل الفم وجانبي الوجه عند الحواجب

الخطوة الرابعة :
بعد ما أنظفه وامسحه راح أحط عليه قناع طيني قابض للمسام وأفضل الأنواع اللي بالنعناع موجود في الصيدلية وإذا ماحصلتيه روحي لنزيه اللي في التخصصي أنا بصراحة ماقد رحت له بس المدربة اللي علمتنا جابت لنا إياه وجربناه , بتحطينه على البشرة لمدة ربع ساعة لين ينشف وبعدين راح تمسحينه بالإسفنج الطبيعي

الخطوة الخامسة :
حطي على بشرتك كريم مرطب أي نوع أهم شي انه مرطب عشان يساعد على عملية التدليك , طبعا راح تسوين مساج خاص بالبشرة وطريقته سهلة وهي : الرقبة تدليك على فوق بالأصابع لين توصلين الأطراف الوجه بالنسبة للخدين بتدلكينها بطريقه مستقيمة مو دائرية وأصابعك تكون متفرقة

وأهم شي أنك تداومين عليها بالنسبه للي بشرتها دهنية أفضل شي تستخدمها مرتين في الشهر والجافة مرة وحده كل شهر ..

ولازم بعد عملية التنظيف هاذي أنك تنظفين بشرتك بشكل يومي , بالميلك والتونيك أو بالخلطات الطبيعية مثل:
( بقدونس ـ خيار ـ زبادي ) تحطينهم في الخلاط بكميات متساوية وتحطينه على بشرتك مرة في اليوم , وبالنسبه لي أستخدم الميلك والتونيك لأنه أسرع وأسهل